Embedded Files
ಸಮುದಾಯ್ ದೀಸ್ ಆಚರಣ್
ಸಮುದಾಯ್ ದೀಸ್ ಆಚರಣ್
ಕಾಮೆಲಿ ಸಾಂ ಜುಜೆ ಫಿರ್ಗಜೆಂತ್ ಮೇ 1ವೆರ್ ಸಮುದಾಯ್ ದೀಸ್ ಸಾಂಜೆರ್ 4.30 ವರಾರ್ ಸಂಭ್ರಮಿಕ್ ಮಿಸಾಸವೆಂ ವ್ಹಡಾ ದಬಾಜಾನ್ ಆಚರಣ್ ಕೆಲೊ. ಪ್ರಧಾನ್ ಯಾಜಕ್ ಜಾವ್ನ್ ಬೆಂದುರ್ ಫಿರ್ಗಜ್ ವಿಗಾರ್ ಮಾ| ಬಾ| ವಾಲ್ಟರ್ ಡಿಸೋಜಾ ಹಾಜರ್ ಆಸೊನ್ ಸಮುದಾಯಾಂತ್ ಎಕಾಮೆಕಾಲಾಗಿಂ ಸಂಬಂಧ್ ದವರುಂಕ್ ಮಾಗ್ಣೆಂ ಗರ್ಜೆಚೆಂ, ದೆವಾಚೆಂ ಉತರ್ ದಿಸ್ಪೊಡ್ತೆಂ ವಾಚುನ್ ಭಾವಾರ್ಥ್ ಪರ್ಗಟುನ್ "ಸಮುದಾಯಾಂತ್ ದೆವಾಚೆಂ ಬೆಸಾಂವ್ ಜೊಡ್ಯಾಂ; ಹೆರಾಂಕ್ ದೆವಾಚೆಂ ಬೆಸಾಂವ್ ಜಾವ್ಯಾಂ" ಮ್ಹಣ್ ಅರ್ಥಾಭರಿತ್ ಶೆರ್ಮಾಂವ್ ದಿಲೊ.ಮಿಸಾ ಉಪ್ರಾಂತ್ ಸಾಂಜೆರ್ 6 ವರಾರ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯಾಚೊ ಸಂಚಾಲಾಕ್ ಆನಿ ಕೇಂದ್ರಿಕ್ ಸಮಿತಿಚ್ಯಾ ಕಾರ್ಯದರ್ಶಿಂನಿ ಪವಿತ್ರ್ ಪುಸ್ತಕ್ ಪುರ್ಶಾಂವಾರ್ ಹಾಡ್ನ್ ಮಾನ್ ಕರ್ನ್ ಪ್ರಾರ್ಥನ್ ನಾಚಾದ್ವಾರಿಂ ವೆದಿ ಕಾರ್ಯೆಂ ಸುರ್ವಾತ್ಲೆಂ.ಕಾರ್ಯಾಚೊ ಅಧ್ಯಕ್ಷ್ ಫಿರ್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ, ಮಾನಾಚೆ ಸಯ್ರೆ ಮಾ| ಬಾ| ವಾಲ್ಟರ್ ಡಿಸೋಜಾ, ವಿಗಾರ್ವಾರ್ ಸನ್ಮಾನಿತ್ ಮಾ| ಬಾ| ಜೇಮ್ಸ್ ಡಿಸೋಜಾ, ಬಾ| ಚಾರ್ಲ್ಸ್ ಮಿನೇಜಸ್, ಕೊವೆಂತಾಚ್ಯೊ ಸುಪೀರಿಯರ್ ಸಿ| ಸುಜಾತಾ ಡೆಸಾ ಆನಿ ಸಿ| ಮಾರಿ ಜೇನ್, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀಮತಿ ಝೀಟಾ ಉಷಾ ಫೆರ್ನಾಂಡಿಸ್, ಕಾರ್ಯದರ್ಶಿ ಶ್ರೀ ಸುನಿಲ್ ಪಿರೇರಾ, ಆಯೋಗಾಂಚೊ ಸಂಯೋಜಕ್ ಶ್ರೀ ಸುಜಿತ್ ಸಿಕ್ವೇರಾ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕ್ ಶ್ರೀ ಸುಜಿತ್ ವಾಸ್ ವೆದಿಚೆರ್ ಹಾಜರ್ ಆಸ್ಲ್ಲೆ.ಶ್ರೀಮತಿ ಝೀಟಾ ಉಷಾ ಫೆರ್ನಾಂಡಿಸಾನ್ ಸ್ವಾಗತ್ ಕೆಲೊ, ವಿಗಾರ್ ಬಾಪಾಂನಿ ದಾನಿಂಚಿಂ ನಾಂವಾಂ ವಾಚುನ್ ತಾಂಚೊ ಉಪ್ಕಾರ್ ಆಟಯ್ಲೊ. ಶ್ರೀ ಸುಜಿತ್ ವಾಸಾನ್ ಉಪ್ಕಾರ್ ಬಾವುಡ್ಲೊ. ಓಶಲ್ ಸೆರಾವೊನ್ ವೆದಿ ಕಾರ್ಯೆಂ ಚಲವ್ನ್ ವೆಲೆಂ.ಉಪ್ರಾಂತ್ ಸೊಳಾ ವಾಡ್ಯಾ ಥಾವ್ನ್ ಚಾರ್ ಪಂಗಡಾದ್ವಾರಿಂ ಸಾಂಸ್ಕೃತಿಕ್ ಕಾರ್ಯೆಂ ಪ್ರದರ್ಶಿತ್ ಕೆಲೆಂ. ಫಿರ್ಗಜ್ಗಾರಾಂನಿ ಸಾಂಗಾತಾ ಮೆಳುನ್ ತಯಾರ್ ಕೆಲ್ಲ್ಯಾ ಜೆವ್ಣಾಚೆರ್ ಮಾ| ಬಾ| ವಾಲ್ಟರ್ ಡಿಸೋಜಾ ಹಾಂಣಿ ಆಶಿರ್ವಾದ್ ಮಾಗ್ತಚ್ ರುಚಿಕ್ ಜೆವ್ಣಾದ್ವಾರಿಂ ಕಾರ್ಯೆಂ ಸಂಪ್ಲೆಂ.
Google Sites
Report abuse