NEWS

ಮಂಗ್ಳುರ್ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷದೆಚ್ಯಾ 2026-28 ಆವ್ದೆಕ್ ಸಿಟಿ ವಾರಾಡ್ಯಾ ತರ‍್ಫೆನ್ ಪ್ರತಿನಿಧಿತ್ವ್ ಕರ‍್ನ್ ದಿಯೆಸೆಜಿಚಿ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಜಾವ್ನ್ ನವ್ಯಾನ್ ಚುನಾಯಿತ್ ಜಾಲ್ಲ್ಯಾ ಆಮ್ಚ್ಯಾ ಫಿರ‍್ಗಜೆಚಿ ಗೊವ್ಳಿಕ್ ಪರಿಷದೆಚಿ ಉಪಾಧ್ಯಕ್ಷ್ ಮಾನೆಸ್ತಿಣ್ ಝೀಟಾ ಉಷಾ ಫೆರ್ನಾಂಡಿಸಾಕ್ ಆಯ್ತಾರಾ ಆಗೋಸ್ತ್ 2ವೆರ್ ಸಕಾಳಿಂ 7.30 ವರಾಂಚ್ಯಾ ಮಿಸಾ ಉಪ್ರಾಂತ್ ವಿಗಾರ್ ಬಾಪಾಂನಿ ಗೊವ್ಳಿಕ್ ಪರಿಷದ್ ಕಾರ‍್ಯದರ‍್ಶಿ ಮಾನೆಸ್ತ್ ಸುನೀಲ್ ಪಿರೇರಾಸಂಗಿಂ ಮೆಳೊನ್ ಉಲ್ಲಾಸ್ ಪಾಟಯ್ಲೆ. 

ಆಮ್ಚ್ಯಾ ಫಿರ‍್ಗಜೆಥಾವ್ನ್ ದಿಯೆಸೆಜಿಚಿ ಕಾರ‍್ಯದರ‍್ಶಿ ಜಾವ್ನ್ ಚುನಾಯಿತ್ ಜಾಲ್ಲೆಂ ಆಮ್ಕಾಂ ಸರ‍್ವಾಂಕ್ ಏಕ್ ಅಭಿಮಾನ್, ಗೌರವ್, ಸಂತೊಸ್ ಮ್ಹಣ್ ತಿಕಾ ಅಭಿನಂದನ್ ಪಾಟಯ್ಲೆ ಆನಿ ದಿಯೆಸೆಜಿಭರ್ ಪಾಸ್ಟೊರಲ್ ಪ್ಲಾನ್ 3.0 ಸಾರ‍್ಕೆಂ ಜ್ಯಾರಿಯೆಕ್ ಹಾಡ್ನ್ ವ್ಯವಸ್ಥಿತ್ ರಿತಿನ್ ಚಲಂವ್ಚ್ಯಾ ವಾವ್ರಾಂತ್ ಆಧ್ಯಾತ್ಮಿಕ್ಪಣ್ ಆಪ್ಣಾವ್ನ್ ಕ್ರಿಯಾತ್ಮಕ್ ರಿತಿನ್ ವಾವ್ರ್ ಕರುಂಕ್ ಜಾಯ್ ಆಸ್ಚೊ ದೆವಾಚೊ ಆಧಾರ್ ಲಾಬೊಂದಿ ಆನಿ ತಿಚ್ಯಾ ವಾವ್ರಾಂತ್ ಸರ‍್ವ್ ಯಶಸ್ವಿ ಮೆಳೊಂದಿ ಮ್ಹಣ್ ಬರೆಂ ಮಾಗ್ಲೆಂ.