NEWS

ಹ್ಯಾಚ್ಚ್  ಆಯ್ತಾರಾ  ಜುಲಾಯ್  12  ತಾರೀಕೆರ್  ಫಿರ್ಗಜಿಚ್ಯಾ  ಸಾಲಾಂತ್  ಸಕಾಳಿಂ  7:30  ವೊರಾಚ್ಯಾ  ಮಿಸಾ  ಉಪ್ರಾಂತ್  ಫಿರ್ಗಜ್ಗಾರಾ೦  ಖಾತಿರ್  ಸರ್ಕಾರಿ  ಸೌಲತ್ಯಾ    ವಿಶ್ಯಾಂತ್  ಮಾಹೆತ್  ಕಾರ್ಯಾಗಾರ್,  ಕಥೊಲಿಕ್    ಸಭಾ  ತಶೆಂಚ್  ಸಾಮಾಜಿಕ್  ಅಭಿವೃದ್ಧಿ  ಆಯೋಗಾನ್  ಮಾಂಡುನ್  ಹಾಡ್ ಲ್ಲೆಂ.  ಪ್ರಾರ್ಥನ್  ಗಿತಾ  ದ್ವಾರಿಂ  ಕಾರ್ಯೆ  ಆರಂಭ್  ಕೆಲೆಂ.  ಮಾನಾಚಿ  ಸಯ್ರ್ಯಾ೦ನಿ  ದಿವೊ  ಪೆಟವ್ನ್  ಕಾರ್ಯಾಚೆಂ  ಉದ್ಘಾಟನ್  ಕೆಲೆಂ.    ಫಿರ್ಗಜಿಚೆ  ವಿಗಾರ್  ಮಾನಾಧಿಕ್  ಬಾಪ್  ಪಾವ್ಲ್  ಪಿಂಟೊ  ಹಾಣಿಂ  ಕಾರ್ಯಾಚೆಂ  ಅಧ್ಯಕ್ಷ್  ಸ್ಥಾನ್ ಘೆತ್ ಲ್ಲೆಂ.  ಗೊವ್ಳಿಕ್  ಪರಿಷದೆಚಿ  ಉಪಾಧ್ಯಕ್ಷ್  ಶ್ರೀಮತಿ  ಉಷಾ  ಫೆರ್ನಾಂಡಿಸ್‌,  ಕಾರ್ಯದರ್ಶಿ  ಮಾನೆಸ್ತ್  ಸುನಿಲ್  ಪಿರೇರಾ  ತಶೆಂಚ್  ಸಂಪನ್ಮೂಲ್  ವ್ಯಕ್ತಿ  ಮಾನೆಸ್ತ್  ಧನಂಜಯ್  ವೆದಿರ್  ಹಾಜರ್    ಆಸ್  ಲ್ಲೆಂ.    ಹಾಜರ್  ಆಸ್ ಲ್ಲ್ಯಾ  ಸರ್ವಾಂಕ್  ಕಥೊಲಿಕ್  ಸಭೆಚೊ  ಅಧ್ಯಕ್ಷ್  ಮಾನೆಸ್ತ್  ರೊನಾಲ್ಡ್  ಸಲ್ದಾನ್ಹಾನ್    ಸ್ವಾಗತ್  ಕೆಲೊ.  

ವಿಗಾರ್  ಬಾಪಾನಿಂ  ಆಪ್ಲ್ಯಾ  ಸಂದೇಶಾಂತ್  ಅಸಲ್ಯಾ ಕಾರ್ಯಕ್ರಮಾಂ  ಮುಕಾಂತ್ರ್  ಆಮ್ಚ್ಯಾ  ಸಾಮಾನ್ಯ್  ಲೊಕಾಂಕ್  ಸರ್ಕಾರಾ  ಥಾವ್ನ್  ಮೆಳ್ಚ್ಯಾ  ಸವ್ಲ ತ್ಯಾ  ವಿಶ್ಯಾಂತ್  ಸಮ್ಜಣಿ  ಮೆಳೊಂದಿ.    ಜಾಂವ್ದಿ  ಶಿಕ್ಪಾ      ಕುಮೊಕ್,    ಜಾಂವ್ದಿ  ಭಲಾಯ್ಕೆ  ವಿಶ್ಯಾಂತ್,  ಹಾಂಗಾಸರ್  ಹಾಜರ್  ಆಸ್ ಲ್ಲ್ಯಾ  ತುಮಿಂ  ತುಮ್ಚ್ಯಾ  ಸೆಜಾರಾಂ , ವಾಡ್ಯಾಂತ್  ಏಕಾಮೆಕಾ  ಸಾಂಗೊನ್    ಹಾಚೊ  ಫಾಯ್ದೊ  ಜೋಡ್ನ್  ಘೆಜಯ್  ಹ್ಯಾ  ಮುಕಾಂತ್ರ್  ಸರ್ಕಾರಿ  ಸೌಲತ್ಯೊ  ಆಮ್ಚ್ಯಾ  ಸಾಮಾನ್ಯ್  ಲೊಕಾಕ್  ಪಾವೊನ್,  ದೆವಾಚಿ  ಆಶೀರ್ವಾದಾಂ  ಜೋಡ್ನ್  ಘೆಂವ್ಕ್  ಜಾಯ್.  ಕಥೊಲಿಕ್  ಸಭೆಚೆ  ಸಂಘಟನ್  ಹ್ಯಾ  ವಿಶ್ಯಾಂತ್  ತುಮ್ಕಾಂ  ಕುಮೊಕ್  ಕರ್ತಾತ್.  ತುಮಿಂ  ಮುಕಾರ್  ವಚೊಂಕ್  ಜಾಯ್,  ಕಷ್ಟ್  ಕಾಡುಂಕ್  ಜಾಯ್,  ಸರ್ಕಾರಾ  ಥಾವ್ನ್  ಆಮ್ಕಾಂ  ಸೌಲತ್ಯೊ    ಮೆಳ್ತಾನಾ  ತ್ಯೊ  ಹ್ಯಾ  ಮುಕಾಂತ್ರ್  ಆಮಿಂ  ಆಪ್ಣಾಂವ್ಕ್  ಜಾಯ್,  ಆಮಿಂ  ಧಯ್ರ್  ಕಾಣ್ವಿವ್ನ್  ಕಾರ್ಯಗತ್  ಕರುಂಕ್  ಜಾಯ್.  ಹ್ಯಾ  ದಿಶೆನ್  ಕಥೊಲಿಕ್  ಸಭೆನ್  ಆಮ್ಚ್ಯಾ  ಫಿರ್ಗಜೆಂತ್  ಮಾಂಡುನ್  ಹಾಡ್ ಲ್ಲೆಂ  ಹೆಂ  ಕಾರ್ಯಕ್ರಮ್  ಹೊಗ್ಳಿಕೆಕ್  ಫಾವೊ  ಜಾಲ್ಲೆಂ.  ತಾಂಕಾಂ  ಸರ್ವ್  ಬೊರೆಂ  ಮಾಗ್ತಾಂ  ಮ್ಹಣೊನ್  ಜೊಕ್ತೊ  ಸಂದೇಶ್  ದಿಲೊ.  

ಸಂಪನ್ಮೂಲ್  ವ್ಯಕ್ತಿ  ಜಾವ್ನ್  ಆಯಿಲ್ಲ್ಯಾ,  ಶ್ರೀ  ಕ್ಷೇತ್ರ  ಧರ್ಮಸ್ಥಳ    ಗ್ರಾಮಾಭಿವೃದ್ಧಿ  ಯೋಜನೆ(  ರಿ)  ಬಜಪೆ CSC  ಥಾವ್ನ್  ನೋಡಲ್  ಅಧಿಕಾರಿ  ಮಾನೆಸ್ತ್  ಧನಂಜಯ್  ಹಾಂಣಿ,  ಕೇಂದ್ರಾ  ಸರ್ಕಾರಾ  ಥಾವ್ನ್  ಜ್ಯಾರಿ  ಜಾಲ್ಲ್ಯಾ ಸೌಲತ್ಯಾ ವಿಶ್ಯಾಂತ್  ಸವಿಸ್ತಾರ್  ಮಾಹೆತ್  ದಿಲಿ.  ಇಶ್ರಮ್  ಕಾರ್ಡ್  ಯೋಜನೆ  ಹಾಚೊ  ಫಾಯ್ದೊ  ಕಿತೆಂ  ತಶೆಂಚ್,  ಆಯುಷ್ಮಾನ್  ಕಾರ್ಡ್  ಪಿಂಚಣೆ  ಯೋಜನೆ  ಅಸಲ್ಯಾ ಕಾರ್ಡಾಂ  ಮುಕಾಂತ್ರ್  ಕೇಂದ್ರ್  ಸರ್ಕಾರಾ  ಥಾವ್ನ್  ಸಬಾರ್  ಸೌಲತ್ಯೊ  ಮೆಳ್ತಾತ್.  ಹ್ಯಾ  ಯೋಜಾನಾಂಕ್  ಪ್ರಾಯೆಚಿ  ಗಡ್  ಕಿತ್ಲಿ,  ಕೊಣೆಂ  ಸಕ್ಕಡ್  ಹೆ  ಕರ್ಯೆತ್   ಮ್ಹಳ್ಳೆಂ  ವಿಶಿಂ ಸಮ್ಜಣಿ  ದಿಲಿ.  ಉಪ್ರಾಂತ್ ತಾಣೆ  ಆನಿಂ  ತಾಕಾ  ಸಹಾಯಕ್  ಜಾಂವ್ನ್  ಆಯಿಲ್ಲ್ಯಾ  ಶ್ರೀಮತಿ  ಸಪ್ನಾ,  ಶೀಲಾವತಿ  ಅಶ್ವಿನಿ,  ಆನಿಂ  ಲತಾ    ಹಾಣಿಂ  ಕಾರ್ಡಾಂ  ಕರ್ಚೊ  ವಾವ್ರ್  ಸುರು  ಕೆಲೊ. ಸೀನಿಯರ್ ಸಿಟಿಜನ್ ಕಾರ್ಡಾಂ ಕರುಂಕ್ ವೈಯಕ್ತಿಕ್ ರಗ್ತಾಚೊ ಗ್ರೂಪ್ ಗರ್ಜ್ ಆಸ್ ಲ್ಲ್ಯಾನ್, ಆಮ್ಚಿಚ್ ಫಿರ್ಗಜ್ ಗಾರ್ನ್ ಶ್ರೀಮತಿ ಸರಿತಾ ಡಿಸೋಜಾಚಾ ಮುಕೇ ಲ್ಪಣಾರ್, ರಗ್ತಾಚೊ ಗ್ರೂಪ್ ಪರೀಕ್ಷಾ ಕರುಂಕ್ ಯೀ ಅವ್ಕಾಸ್ ಕರ್ನ್ ದಿಲೊ.