Embedded Files
’ಪಾವ್ಸಾಂತ್ ಉಡ್ಕಣಾಂ 2.೦’
’ಪಾವ್ಸಾಂತ್ ಉಡ್ಕಣಾಂ 2.೦’
ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ನಿರ್ಮಾರ್ ಘಟಕಾನ್ ಜುಲೈಚ್ಯಾ 26 ವೆರ್ ದನ್ಪಾರಾ 3.00 ವರಾರ್ 'ಪಾವ್ಸಾಂತ್ ಉಡ್ಕಣಾಂ 2.0' ಮ್ಹಳ್ಳೊ ವಾಡ್ಯಾವಾರ್ ಪಾವ್ಸಾ ಖೆಳಾ ಸ್ಪರ್ಧೊ ಮಾಂಡುನ್ ಹಾಡ್ಲ್ಲೊ. ಪ್ರಾರ್ಥನ್ ಗೀತಾದ್ವಾರಿ ಕಾರ್ಯೆo ಆರಂಭ್ ಕೆಲೆಂ. ಜಮ್ಲೆಲ್ಯಾ ಸಮೆಸ್ತಾಂಕ್ ಐ.ಸಿ.ವೈ.ಎಮ್ ಅಧ್ಯಕ್ಷ್
ಫ್ರೆಯಾನ್ ವಾಸಾನ್ ಸ್ವಾಗತ್ ಕೆಲೆಂ. ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದಿಚಿ ಉಪಾಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾಂಡಿಸ್ ಆನಿ ಕಾರ್ಯದರ್ಶಿ ಮಾನೇಸ್ತ್ ಸುನಿಲ್ ಪಿರೇರಾ, ಐ.ಸಿ.ವೈ.ಎಮ್ ಸಚೇತಕ್ ಮಾನೇಸ್ತ್ ಸುಜೀತ್ ಸೀಕ್ವೆರಾ ಆನಿ ಆದ್ಲೊ ಸಚೇತಕ್ ಮಾನೇಸ್ತ್ ಪ್ರಸಾದ್ ವಾಸ್ ಹಾಣಿಂ ಕಾರ್ಯಾಚೆ ಉದ್ಘಾಟನ್ ಕೆಲೆಂ. ಸುರ್ವಿಲ್ಲೆ ಕಾರ್ಯೆಂ ಪ್ರಿನ್ಸಿಯಾ ಡಿಸೋಜಾನ್ ಚಲೊವ್ನ್ ವೆಲೆಂ.
ಉಪ್ರಾಂತ್ ಸರ್ವ್ ಐ.ಸಿ.ವೈ.ಎಮ್ ಸಾಂದ್ಯಾನಿ ನಾಚ್ ಸಾದರ್ ಕರ್ನ್ ಸ್ಪರ್ದ್ಯಾಕ್ ಉತ್ತೀಮ್ ಸುರ್ವಾತ್ ದಿಲಿ. ಅಸ್ಟನ್ ಡಿಸೋಜಾನ್ ಸಗ್ಳೊ ಖೆಳಾ ಸ್ಪರ್ಧೊ ಭೋವ್ ಅಪುರ್ಬಾಯೆನ್ ಚಲೊವ್ನ್ ವೆಲೊ. ಸರ್ವ್ ವಾಡ್ಯಾಚ್ಯಾನಿo ವಡಾ ಉಮೆದಿನ್ ಹ್ಯಾ ಸ್ಪರ್ದ್ಯಾಂತ್ ಭಾಗ್ ಘೆತ್ಲೆ.
ಸಮಾರೋಪ್ ಕಾರ್ಯಾಕ್ ವೆದಿರ್ ಫಿರ್ಗಜ್ ವಿಗಾರ್ ಮಾ|ಬಾ|ಪಾವ್ಲ್ ಪಿಂಟೊ, ಫಿರ್ಗಜ್ ಗೊವ್ಳಿಕ್ ಪರಿಷದಿಚಿ ಉಪಾಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾಂಡಿಸ್, ಕಾರ್ಯದರ್ಶಿ ಮಾನೇಸ್ತ್ ಸುನಿಲ್ ಪಿರೇರಾ ಐ.ಸಿ.ವೈ.ಎಮ್ ಸಚೇತಕ್ ಮಾನೇಸ್ತ್ ಸುಜೀತ್ ಸೀಕ್ವೆರಾ , ಐ.ಸಿ.ವೈ.ಎಮ್ ಅಧ್ಯಕ್ಷ್ ಫ್ರೆಯನ್ ವಾಸ್ ಆನಿ ಕಾರ್ಯದರ್ಶಿ ಅಸ್ಟನ್ ಡಿಸೊಜಾ ಹಾಜರ್ ಆಸ್ಲಿ. ಜಮ್ಲೆಲ್ಯಾ ಸಮೆಸ್ತಾಂಕ್ ಅಧ್ಯಕ್ಷ್ ಫ್ರೆಯನ್ ವಾಸಾನ್ ಸ್ವಾಗತ್ ಪಾಟಯ್ಲೆಂ. ಉಪ್ರಾಂತ್ ವಿಗಾರ್ ಬಾಪಾನಿಂ ಆಪ್ಲೊ ಸಂದೇಶ್ ದಿಲೊ.
ಕಾರ್ಯದರ್ಶಿ ಅಸ್ಟನ್ ಡಿಸೊಜಾನ್ ಧನ್ಯಾವಾದಾಚಿ ಉತ್ರಾo ಉಚರ್ಲಿ. ವರೈಯ್ಣಾರಾಂಕ್ ತಶೆಂಚ್ ಪೋಶಾಕಂಕ್ ಉಗ್ಡಾಸಾಚಿ ಕಾಣಿಕ್ ದಿವ್ನ್ ಮಾನ್ ಕೆಲೆಂ. ಅಸ್ಟನ್ ಡಿಸೋಜಾನ್ ವಿಜೇತಾಂಚಿ ನಾಂವಾಂ ವಾಚ್ಲಿ. ಪಯ್ಲೆo ಸ್ಥಾನ್ ಭಾಗೆವಂತ್ ಕುಟ್ಮಾ ವಾಡ್ಯಾನ್ , ದುಸ್ರೆ ಸ್ಥಾನ್ ಜೆಜು ರಾಯ್ ವಾಡ್ಯಾಗಾರಾಂನಿ ಆನಿ ತಿಸ್ರೆ ಸ್ಥಾನ್ ಮದರ್ ತೆರೇಜಾ ವಾಡ್ಯಾಗಾರಾಂನಿ ಆಪ್ಲಾಯ್ಲೆಂ. ಐ.ಸಿ.ವೈ.ಎಮ್ ಧ್ಯೇಯ್ ಗೀತ್ ಗಾವ್ನ್ ಬಾಯ್ಲಾ ನಾಚಾ ದ್ವಾರಿ ಕಾರ್ಯೆಂ ಸಂಪಯ್ಲೆo.
Google Sites
Report abuse