NEWS

ಸ್ತ್ರೀ ಆಯೋಗ್ ಆನಿಂ ಮದರ್ ಮೇರಿ ಸ್ತ್ರೀ ಸಂಘಟನ್ ಸಾಂ. ಜುಜೆ ಕಾಮೆಲಿ ನಿರ್ಮಾರ್ಗ ಫಿರ್ಗಜ್ , ಹಾಂಚ್ಯಾ ಜಂಟಿ ಆಶ್ರಯ ಖಾಲ್ ಆಗೋಸ್ತ್ 5, 2026 ವೆರ್ ಸಾಂಪ್ರಾದಾಯಿಕ್ ಖಾಣಾ ಫೆಸ್ತ್ ಸಾಂಜೆರ್ 5 ವೊರಾರ್ ಸಂಭ್ರಮ್ ಹಾಲಾಂತ್ ಆಚರಣ್ ಕೆಲೆಂ.

ಮಾನಾಚ್ಯಾ ಸಯ್ರ್ಯಾಂಕ್ ಪಾನ್-ಪೋಡ್ ಉದ್ಕಾಸವೆಂ ಶ್ರೀಮತಿ ಅನಿತಾ ಕ್ರಾಸ್ತ ಹಿಣೆ ಸ್ವಾಗತ್ ಕೆಲೆಂ. ಕಾರ್ಯಚೆಂ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಮಾನಾಧಿಕ್ ಬಾಪ್ ಪಾವ್ಲ್ ಪಿಂಟೊ, ಮುಕೆಲ್ ಸಯ್ರೆ ಜಾವ್ನ್ ಮಾನದಿಕ್ ಬಾಪ್ ಸಿಲ್ವೇಸ್ಟರ್ ಡಿಕೊಸ್ತಾ (ನಿರ್ದೇಶಕ್ ಸ್ತ್ರೀ ಸಂಘಟನ್ ಸಿಟಿ ವಾರಡೊ ), ಫಿಗರ್ಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ತಶೆಂಚ್ ಸ್ತ್ರೀ ಸಂಘಟನ್ ಅಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾಂಡಿಸ್, ಮಾನೆಸ್ತ್ ಸುನಿಲ್ ಪಿರೇರಾ ಕಾರ್ಯದರ್ಶಿ ಫಿಗರ್ಜ್ ಗೊವ್ಳಿಕ್ ಪರಿಷದ್, ಮಾನೆಸ್ತ್ ಸುಜಿತ್ ಸಿಕ್ವೆರಾ ಸರ್ವ್ ಆಯೋಗಚೊ ಸಂಚಾಲಕ್, ಶ್ರೀಮತಿ ಫ್ಲೇವಿಯಾ ಡಿಸೋಜಾ ಸ್ತ್ರೀ ಆಯೋಗ್ ಸಂಚಾಲಕಿ,ಶ್ರೀಮತಿ ರೇಶ್ಮಾ ಪಿರೇರಾ ಕಾರ್ಯದರ್ಶಿ ಸ್ತ್ರೀ ಸಂಘಟನ್ ವೆದಿರ್ ಹಾಜರ್ ಆಸ್ ಲ್ಲಿ. ತಶೆoಚ್ ಹಾಂಚೆ ಸವೆ ಸಿಸ್ಟರ್ ಸುಜಾತ ಡೆಸ್ಸಾ ಸುಪೀರಿಯರ್ ಹೋಲಿ ಕ್ರಾಸ್ ಕಾನ್ವೆಂಟ್, ಸಿಸ್ಟರ್ ಮಾರಿಜೇನ್ AC ಕಾರ್ಮೆಲ್ ಆಶ್ರಮ್ ಆನಿ ಆಮ್ಚಾ ದೊನಿ ಕೊವೆಂತಾಚಿ ಸಿಸ್ಟರಾಂ, ಸ್ತ್ರೀ ಸಂಘಟನ್ ಆನಿಂ ಸ್ತ್ರೀ ಆಯೋಗಾಚೆಂ ಸಾಂದೆ ತಾಂಚ್ಯಾ ಕುಟ್ಮಾದಾರಾಂ ಸಾಂಗಾತಾ ಹ್ಯಾ ಕಾರ್ಯಕ್ರಮಾಂತ್ ಹಾಜರ್ ಆಸ್ ಲ್ಲಿ .

ಸ್ತ್ರೀ ಸಂಘಟನ್ ಸಾಂದ್ಯಾನಿ ಪ್ರಾರ್ಥನ್ ಗೀತ್ ಗಾವ್ನ್ ಕಾರ್ಯಾಚಿ ಸುರ್ವಾತ್ ಕೆಲಿ. ಜಮ್ಲೆಲ್ಯಾ ಮಾನಾಚಾ ಸಯ್ರ್ಯಾಂಕ್ ಶ್ರೀಮತಿ ಫ್ಲಾವಿಯ ಡಿಸೋಜಾನ್ ಸ್ವಾಗತ್ ಕರ್ತಾನಾ ಸಂಘಟನಾಚ್ಯಾ ಸಾಂದ್ಯಾಂನಿ ತಾಂಕಾ ಗುಲೊಬ್ ದೀವ್ನ್ ಮಾನ್ ಕೆಲೊ. ಸಾಂಪ್ರಾದಾಯಿಕ್ ಆನಿ ಸಾಂಕೇತಿಕ್ ರಿತಿನ್ ಪೊಡುಲ್ಲೊ ನಾರ್ಲ್ ಕಾಂತುನ್ ಕಾರ್ಯಚೆಂ ಉಗ್ತಾವಣ್ ಮಾನಾಚ್ಯಾ ಸಯ್ರ್ಯಾಂನಿಂ ಚಲುನ್ ವೆಲೆಂ. ಮುಖೆಲ್ ಸಯ್ರೆ ಬಾಪ್ ಸಿಲ್ವೆಸ್ಟರ್ ಡಿಕೊಸ್ತ ಹಾಣಿ ಜಮ್ಲೆಲ್ಯಾ ಸರ್ವಾoಕ್ ಉದ್ದೇಶುನ್ ಸಾಂಪ್ರಾದಾಯಿಕ್ ಖಾಣಾ ಹಾಂಗಸರ್ ಖಾoವ್ಕ್ ಆಮ್ಕಾ ಏಕ್ ಅವ್ಕಾಸ್ ಲಾಬ್ಲಾ ಮುಣೊನ್ ಹ್ಯಾ ಕಾರ್ಯಕ್ ಬೊರೆಂ ಮಾಗ್ಲೆ.

ಉಪ್ರಾಂತ್ ಆಮ್ಚ್ಯಾ ಸ್ತ್ರೀ ಸಂಘಟನ್ ಅಧ್ಯಕ್ಶ್ ತಶೆoಚ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾಂಡಿಸ್ ಆಮ್ಚ್ಯಾ ಮಂಗ್ಳುರ್ ದಿಯೆಸೆಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಜಾವ್ನ್ ವಿoಚುನ್ ಆಯ್ಲ್ಯಾ ತಾoಕಾ ಝಡ್ ದೀವ್ನ್ ವಿಗಾರ್ ಬಾಪಾನಿ ಶುಭಾಶಾಯ್ ಪಾಟವ್ನ್ ಸರ್ವ್ ಬೊರೆಂ ಮಾಗ್ಲೆ. ಉಪ್ರಾಂತ್ ಆದ್ಲ್ಯಾ ಸ್ತ್ರೀ ಸಂಘಟನಾಚ್ಯಾ ಜಮಾತೆ ವೇಳಾರ್ ಚಲುನ್ ವೆಲ್ಲ್ಯಾ ಬೈಬಲ್ ಕ್ವಿಜ್ ಸ್ಪರ್ದ್ಯಾoತ್ ಜಿಕ್ಲ್ಯಾಚಿ ನಾಂವಾ ಕಾರ್ಯದರ್ಶಿ ರೇಶ್ಮಾ ಪಿರೇರಾನ್ ವಾಚ್ಲಿ ಆನಿ ಬಾಪ್ ಸಿಲ್ವೆಸ್ಟರ್ ಡಿಕೊಸ್ತಾ ನ್ ಇನಾಮಾ ವಾಂಟುನ್ ಜಿಕ್ಲ್ಯಾ ಸರ್ವಾoಕ್ ಅಭಿನಂದನ್ ಪಾಟಯ್ಲೆ.

ಕಾರ್ಯಾಚೆ ಅಧ್ಯಕ್ಷ್ ಮಾನಾಧಿಕ್ ಬಾಪ್ ಪಾವ್ಲ್ ಪಿಂಟೊ ಹಾಣಿಂ ಹೆಂ ಆಚರಣ್ ಕೇವಲ್ ಏಕ್ ಆಚರಣ್ ನ್ಹಂಯ್, ಸಾಂಪ್ರಾದಾಯಿಕ್ ಖಾಣಾ ಮಾರಿಪತ್ ಬಾಳ್ಪಣಾoತ್ ಅಪ್ರುಪ್ ಆಸ್ ಲ್ಲಿ ಖಾಣಾ ಖಾವ್ನ್ ಜೊಡುಲ್ಲೊ ಸಂತೊಸ್ ಆನಿ ತವಳ್ಚ್ಯಾ ಖಾಣಾ ಖಾತಿರ್ ತತ್ವರ್ ಆಸ್ ಲ್ಲ್ಯಾ ಕಷ್ಟಚೊ ಅನುಭವ್ ಪರತ್ ನಿಯಾಳ್ ಕರುoಕ್ ಆನಿ ಹ್ಯಾ ಮಾರಿಪತ್ ಆತಾo ಮೆಳ್ ಲ್ಲ್ಯಾ ದೆವಾಚ್ಯಾ ಬೆಸಾoವಾ ಖಾತಿರ್ ದೆವಾ ಥoಯ್ ಉಪ್ಕಾರ್ ಮನಾಚೆ ಜಾoವ್ಕ್ ಉಲೊ ದಿಲೊ. ಸಾಂಗಾತಾಚ್ ಅಸಲ್ಯಾ ಯೋಜನಾದ್ವಾರಿ ಸಂಘಟನಾ ಥಾವ್ನ್ ಚಡ್ತಿಕ್ ಮಹತ್ವಚೆ ಆನಿ ಹೆರಾಂಚಾ ಗರ್ಜಾoನಿ ಪಾoವ್ಚಿ ಯೋಜನಾ ಫಿರ್ಗಜೆoತ್ ರೂಪಿತ್ ಕರುoಕ್ ಉಲೊ ದಿಲೊ.