NEWS

ಆಮ್ಚಾ ಫಿರ್ಗಜೆಂತ್ ಅಗೋಸ್ತ್ 15, 2026 ವೆರ್ ಮರಿಯೆ ಮಾಯೆಚೆಂ ಸ್ವರ್ಗಾರೋಹಣ್ ಚೆಂ ಫೆಸ್ತ್ ತಶೆಂಚ್ 80 ವ್ಯಾ ಸ್ವತಂತ್ರೋತ್ಸವಾಚೆಂ ಆಚರಣ್ ಭೋವ್ ಸಂಭ್ರಮಾನ್ ಆಚರಣ್ ಕೆಲೆಂ. ಸಕಾಳಿಂ 7.30 ವರಾರ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ ಹಾಣಿಂ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ವಂದೇ ಮಾತರಂ ಗೀತಾನ್ ಉಲ್ಲೇಖ್ ಕೆಲ್ಲ್ಯಾ ಬರಿ ಮಾಂಯ್ ಗಾಂವ್ ಆಮ್ಕಾಂ ಮೊಗಾಚೊ. ಹ್ಯಾ ಭೂಮಾತೆಕ್ ಸ್ವತಂತ್ರ್ ಮೆಳ್ ಲ್ಲೊ ಸಂಭ್ರಮ್ ಆಮಿ ಕರ್ತಾನಾ ಆಮ್ಚ್ಯಾ ಸರ್ಗಿಂಚಾ ಆವಯ್ನ್ ಸರ್ವ್ ಬಾಂದ್ನಾಸಾoತ್ಲೆo ಸುಟ್ಕಾ ಜೊಡುನ್ ಸ್ವತಂತ್ರ್ ಜಾವ್ನ್ ಜಿಯೆಲ್ಲ್ಯಾ ಖಾತಿರ್ ದೆವಾನ್ ತಿಕಾ ಕುಡಿ ಆತ್ಮ್ಯಾ ಸಮೇತ್ ಸರ್ಗಿಂ ಉಬಾರ್ನ್ ವೆಲ್ಲೆಂ, ದಬಾಜಿಕ್ ಫೆಸ್ತಾ ಆಚರಣ್ ಕರ್ತಾoವ್.

ಆಮಿ ಮರಿಯೆ ಬರಿ ಜಿಯೆಲ್ಯಾರ್ ಆಮ್ಕಾಂಯೀ ಎಕ್ ದೀಸ್ ಮರಿಯೆ ಬರಿ ದೆವಾಚಾ ಮಹಿಮೆಂತ್ ಬಾಗಿದಾರ್ ಜಾಂವ್ಕ್ ಸಾಧ್ಯ್ ಜಾತಲೆಂ ಮ್ಹಳ್ಳೊ ಸಂದೇಶ್ ದಿಲೊ.

ತ್ಯಾ  ಉಪ್ರಾಂತ್ , ಐ.ಸಿ.ವೈ.ಎಮ್ ನಿರ್ಮಾರ್ಗ ಘಟಕಾಚ್ಯಾ ಮುಕೆಲ್ಪಣಾರ್ ಧ್ವಜಾರೋಹಣ್‌ ಕಾರ್ಯೆಂ ಚಲ್ಲೆಂ.

ಹ್ಯಾ ಕಾರ್ಯಾಕ್ ಫಿರ್ಗಜ್ ವಿಗಾರ್ ಮಾ|ಬಾ| ಪಾವ್ಲ್ ಪಿಂಟೊ, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾoಡಿಸ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಮಾನೇಸ್ತ್ ಸುನೀಲ್ ಪಿರೇರಾ, ಐ.ಸಿ.ವೈ.ಎಮ್ ಸಚೇತಕ್ ಮಾನೆಸ್ತ್ ಸುಜೀತ್ ಸಿಕ್ವೇರಾ, ಐ.ಸಿ.ವೈ.ಎಮ್ ಅಧ್ಯಕ್ಷ್ ಫ್ರೆಯನ್ ವಾಸ್ ಆನಿ ಫಿರ್ಗಜೆಜೊ ಲೋಕ್ ಹಾಜರ್‌ ಆಸ್ಲೊ. ಫ್ರೆಯನ್ ವಾಸಾನ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಸ್ವಾಗತ್ ಪಾಟವ್ನ್ ಕಾರ್ಯಾಚಿ ಸುರ್ವಾತ್ ಕೆಲಿ. ಸುರ್ವಿಲೆಂ ಗೀತ್ ಜಾವ್ನ್ 'ವಂದೇ ಮಾತರಂ' ಗಾಯ್ಲೆo. ಉಪ್ರಾಂತ್ ವಿಗಾರ್ ಬಾಪಾನ್ ತಾಂಚ್ಯಾ ಸಂದೇಶಾಂತ್‌ ಸ್ವತಂತ್ರ್ಯಾ ಖಾತಿರ್‌ ಝುಜ್‌ಲ್ಲ್ಯಾ ಮಹಾನ್‌ ವ್ಯಕ್ತಿಂಚೊ ಉಗ್ಡಾಸ್‌ ಕಾಡ್ನ್‌ ತಾಂಚೆ ಖಾತಿರ್‌ ಮಾಗ್ಣೆಂ ಭೆಟಯ್ಲೆಂ. ಉಪ್ರಾಂತ್‌ ಧ್ವಜಾರೋಹಣ್ ಚಲೊವ್ನ್ ವೆಲೆಂ.

ಕ್ರಿಶೆಲ್ ಡಿಸೊಜಾನ್ ಕಾರ್ಯೆಂ ಚಲಯ್ಲೆಂ. ಹಾಜರ್‌ ಆಸ್‌ಲ್ಲ್ಯಾ ಸರ್ವಾಂಕ್ ಸ್ವೀಟ್ಸ್ ವಾಂಟ್ಚೆ ಸವೆಂ ಕಾರ್ಯೆಂ ಸಂಪಯ್ಲೆಂ.