ಮೊಂತಿ ಫೆಸ್ತ್-2026

ಸಪ್ತೆಂಬರ್ 8 ವೆರ್ ಆಮ್ಚ್ಯಾ ಫಿರ್ಗಜೆಂತ್ ಮೊಂತಿ ಫೆಸ್ತ್ ಭೋವ್ ಸಂಭ್ರಮಾನ್ ಆಚರಣ್ ಕೆಲೆಂ. ವಿಗಾರ್ ಬಾಪ್ ಮಾ /ಬಾ /ಪೌಲ್ ಪಿಂಟೊ ಹಾಣಿ ಮೇರ್ಲಪದವ್ ಮರಿಯೆ ಮಾಯೆ ಚ್ಯಾ ಗ್ರೋಟೊ ಲಾಗಿ  ನವೆಂ ಬೆಂಜಾರ್ ಕರ‍್ತೆಚ್ ಭುರ‍್ಗ್ಯಾಂನಿ ಮರ‍್ಯೆಮಾಯೆಕ್  ಗ್ರೋಟೊ  ಥಾವ್ನ್ ಪುರ್ಶಾoವಾರ್ ಯೇವ್ನ್ ಫುಲಾಂ ಅರ್ಪಿಲಿಂ. ಉಪ್ರಾಂತ್ ಮರ‍್ಯೆಮಾಯೆಚಿ ಇಮಾಜ್ ತಶೆಂಚ್ ಗುರ್ಕಾರಾoನಿ ಬೆಂಜಾರ್ ಕೆಲ್ಲ್ಯಾ ನವ್ಯಾ ಬೆಳ್ಯಾ ಸವೆಂ ಪುರ್ಶಾಂವಾರ್ ಇಗರ್ಜಿಕ್ ಪ್ರವೇಶ್ ಕರ್ನ್ ಜಾತಚ್ ವಿಗಾರ್ ಬಾಪಾನಿ ಪೆಸ್ತಾಚೆಂ ಸಂಭ್ರಮಿಕ್ ಮೀಸಚೆಂ ಬಲಿದಾನ್ ಭೆಟೆಯ್ಲೆ. ದೆವಾಚೆಂ ಉತಾರ್ ಘೆವ್ಯಾo;

 ಕ್ರೀಸ್ತಿ ಕುಟ್ಮಾಚೊ  ಎಕ್ವಟ್ ಬಾಂದುನ್ ಹಾಡ್ಯಾo ವಿಶಯಾಚೆರ್ ಕುಟ್ಮಾಚ್ಯಾ ಫೆಸ್ತಾ ವಯ್ರ್ ನಿಯಾಳ್ ದಿಲೊ.. ದೆವಾಚ್ಯಾ  ಉತ್ರಕ್ ಕ್ರೀಸ್ತಿ ಕುಟ್ಮಾ  ಬಾದುoನ್ ಹಾಡ್ಚಿ ಸಕತ್ ಆಸಾ. ಪವಿತ್ರ್ ಪುಸ್ತಕಾoತ್ಲ್ಯಾ ದಾಖ್ಲ್ಯಾ ಮಾರಿಪತ್ ವಿವರುನ್ ಅಮಿoಯಿ ದೆವಾಚೆಂ ಉತಾರ್  ವಾಚುನ್  ನಿಯಾಳುನ್, ಮಾಗ್ಣೆ ಕರ್ನ್  ಆಮ್ಚಿ   ಕುಟ್ಮಾ  ಎಕ್ವಟಿತ್ ಜಾವ್ನ್ ಬಾಂದುನ್ ಹಾಡುoಕ್ ಉಲೊ ದಿಲೊ. ಫೆಸ್ತಾಕ್ ಮುಡ್ದೊಮ್ ದಿಲ್ಲ್ಯಾಂಕ್ ಆನಿ ಪೋಶಕ್ ಜಾಲ್ಲ್ಯಾಂಕ್ ಮಾನಾಚಿ ವಾತ್ ದಿಲಿ. ಮೀಸಾ ಉಪ್ರಾಂತ್ ಸರ್ವ್ ಲೊಕಾಕ್ ನವೆಂ, ಕೊಬು  ಆನಿ ಕೇಕ್ ವಾಂಟ್ಲೆ . ಉಪ್ರಾಂತ್ ಫಿರ‍್ಗಜ್‌ಗಾರಾಂನಿ ಹಾಡ್‌ಲ್ಲಿ ಕಾಣಿಕ್ ಮಾನೆಸ್ತ್ ವಾಲ್ಟರ್ ಸಲ್ಡಾನ್ಹಾಚ್ಯಾ ಮುಕೇಲ್ಪಣಾರ್ ಏಲಂ ಕೆಲಿ.