Embedded Files
ವಿಗಾರ್ ಬಾಪಾಂಚೊ ಜಲ್ಮಾ ದೀಸ್ ಸಂಭ್ರಮ್
ವಿಗಾರ್ ಬಾಪಾಂಚೊ ಜಲ್ಮಾ ದೀಸ್ ಸಂಭ್ರಮ್
ಆಮ್ಚೊ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ ಹಾಂಚ್ಯಾ ಜಲ್ಮಾ ದಿಸಾ ಸಂದರ್ಭಿಂ ಮೇ 28ವೆರ್ ಸಕಾಳಿಂ 6.45 ವರಾರ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಬಾ| ಚಾರ್ಲ್ಸ್ ಮಿನೇಜಸ್ ಆನಿ ಬಾ| ಹಿಲರಿ ಡಿಸೋಜಾ ಹಾಂಣಿ ಸಹಭೆಟವ್ಣಿ ಕೆಲಿ. ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಮಾನೆಸ್ತ್ ಸುನಿಲ್ ಪಿರೆರಾನ್ ಫಿರ್ಗಜ್ಗಾರಾಂ ತರ್ಫೆನ್ ವಿಗಾರ್ ಬಾಪಾಂಕ್ ಜಲ್ಮಾ ದಿಸಾಚೆ ಉಲ್ಲಾಸ್ ಪಾಟಯ್ಲೆ. ತಶೆಂಚ್ ಕೊಯರಾಚ್ಯಾ ಸಾಂದ್ಯಾಂನಿ ಉಲ್ಲಾಸಾಚೆಂ ಗೀತ್ ಗಾವ್ನ್ ಅಭಿನಂದನ್ ಪಾಟಯ್ಲೆ. ವಿಗಾರ್ ಬಾಪಾಂನಿ ಕೇಕ್ ಕಾತರ್ನ್ ಆಪ್ಲೊ ಸಂತೊಸ್ ವಾಂಟುನ್ ಘೆತ್ಲೊ.ಫಿರ್ಗಜ್ ಗೊವ್ಳೀಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾಂಡಿಸ್, ಕಾರ್ಯದರ್ಶಿ ಶ್ರೀ ಸುನಿಲ್ ಪಿರೇರಾ ಆನಿ ಸರ್ವ್ ಆಯೋಗಾಂಚೊ ಸಂಯೋಜಕ್ ಶ್ರೀ ಸುಜಿತ್ ಸಿಕ್ವೇರಾ ಹಾಂಣಿ ವಿಗಾರ್ ಬಾಪಾಂಕ್ ಫುಲಾಂಚೆಂ ಝಾಡ್ ದೀವ್ನ್ ಉಲ್ಲಾಸಿಲೆಂ. ಮಿಸಾ ಉಪ್ರಾಂತ್ ಧಾರ್ಮಿಕ್ ಭಯ್ಣಿಂನಿ ತಶೆಂಚ್ ಫಿರ್ಗಜ್ಗಾರಾಂನಿ ವಿಗಾರ್ಬಾಪಾಂಕ್ ಫುಲಾಂ ದೀವ್ನ್ ಉಲ್ಲಾಸ್ ಪಾಟಯ್ಲೆ.
Google Sites
Report abuse