NEWS

ಸಾಂಪ್ರಾದಾಯಿಕ್ ಖಾಣಾ ಫೆಸ್ತ್

ಶ್ರೀಮತಿ ಲವೀನಾ ಪೆರಿಸ್ ಆನಿ ಪಂಗ್ಡಾನ್ ಪ್ರಾರ್ಥನ್ ಗೀತ್ ಗಾವ್ನ್ ಕಾರ್ಯಾಚಿ ಸುರ್ವಾತ್ ಕೆಲಿ. ಜಮ್ಲೆಲ್ಯಾ ಮಾನಾಚಾ ಸಯ್ರ್ಯಾಂಕ್ ಶ್ರೀಮತಿ ಸಿಲ್ವಿಯಾ ಪಿರೇರಾನ್ ಸ್ವಾಗತ್ ಕರ್ತಾನಾ ಸಂಘಟನಾಚ್ಯಾ ಸಾಂದ್ಯಾಂನಿ ತಾಂಕಾ ಗುಲೊಬ್ ದೀವ್ನ್ ಮಾನ್ ಕೆಲೊ.

ಸಾಂಪ್ರಾದಾಯಿಕ್ ಆನಿ ಸಾಂಕೇತಿಕ್ ರಿತಿನ್ ಬಿಂಗಾರಿ ಫುಲೊವ್ನ್ ಕಾರ್ಯಚೆಂ ಉಗ್ತಾವಣ್  ಮಾನಾಚ್ಯಾ ಸಯ್ರ್ಯಾಂನಿಂ  ಚಲುನ್ ವೆಲೆಂ. ಮುಖೆಲ್ ಸಯ್ರಿಂ ಶ್ರೀಮತಿ ಅನಿತಾ ಪ್ರ್ಯಾಂಕ್  ಸ್ತ್ರೀಯಾಂಕ್ ಉದ್ದೇಶುನ್ ಸ್ತ್ರೀಯಾಂನಿ ಬಳ್ವಂತ್  ಜಾಂವ್ನ್, ಸಮಾಜೆಂತ್ ಜಿಯೆಂವ್ಕ್ ಉಲೊ ದಿಲೊ. ಕಾರ್ಯಾಚೆ ಅಧ್ಯಕ್ಷ್ ಮಾನಾಧಿಕ್ ಬಾಪ್ ಪಾವ್ಲ್ ಪಿಂಟೊ  ಹಾಣಿಂ ಹೆಂ ಆಚರಣ್ ಕೇವಲ್ ಏಕ್ ಆಚರಣ್ ನ್ಹಂಯ್,  ಸ್ತ್ರೀಯಾಂಕ್ ತಶೆಂಚ್ ತಾಂಚಾ ಕುಟ್ಮಾದಾರಾಂಕ್ ಸಾಂಗಾತಾ ಹಾಡುಂಕ್ ಏಕ್ ಪ್ರಯತ್ನ್.  ಸ್ತ್ರೀಯಾಂನಿ ಆಪ್ಲ್ಯಾ ಕುಟ್ಮಾಂತ್, ವಾಡ್ಯಾಂತ್ ತಶೆಂ ಫಿರ್ಗಜೆಂತ್ ಯೇವ್ನ್ ಫಿರ್ಗಜೆಚ್ಯಾ ಕಾಮಾಂತ್ ಹಾತಾಕ್ ಹಾತ್ ದೀಂವ್ಕ್ ಉಲೊ ದಿಲೊ.

ಶ್ರೀಮತಿ ಪ್ರೆಸಿಲ್ಲಾ ಡಿಸೋಜಾನ್ ಜಮ್ಲೆಲ್ಯಾ ಸರ್ವಾಂಕ್ Housey Housey  ಖೆಳ್ ಮಾಂಡುನ್ ಹಾಡ್ನ್ ಜಿಕ್ಲೆಲ್ಯಾಂಕ್ ಇನಾಮಾ ದಿಲಿಂ .

ಶ್ರೀಮತಿ ಜೋಸ್ಪಿನ್ ಡಿಸೋಜಾ ಆನಿ ಪಂಗ್ಡಾನ್ ಸುಗ್ಗಿ ಕಾಳಾಚೊ ನೃತ್ಯ್ ಪ್ರದರ್ಶನ್ ಕೆಲೊ. ಶ್ರೀಮತಿ ರೇಶ್ಮಾ ಪಿರೇರಾ ಆನಿಂ ಶ್ರೀಮತಿ ಲವೀನಾ ತಾವ್ರೊ ಹಾಸ್ಯ್ ನಾಟಕ್ Insurance Jerry ಸಾದರ್ ಕೆಲೊ.  ಸ್ತ್ರೀ ಸಂಘಟನಾ ತರ್ಪೆನ್  ಶ್ರೀಮತಿ ಉಷಾ ಫೆರ್ನಾಂಡಿಸ್ ಹಾಚ್ಯಾ ಮುಖೆಲ್ಪಣಾಖಾಲ್, ಕಾಮ್ ಕರ್ತಾನಾ ದೊರ‍್ಯಾ ಥಾವ್ನ್ ಪೊಡೊನ್ ದೊನಿಂ ಪಾಯ್ ಪ್ರ್ಯಾಕ್ಟರ್ ಜಾಲ್ಲ್ಯಾ ಲೂರ್ಡ್ಸ್ ವಾಡ್ಯಾಚ್ಯಾ ಆ್ಯಲೆನ್ ಡಿಸೋಜಕ್  ಆರ್ಥಿಕ್ ಕುಮೊಕ್ ಎಕ್ಟಾಂಯ್ ಕರ್ನ್, ತಾಚಾ ಕುಟ್ಮಾಂದಾರಾ ಕಡೆ ಚೆಕ್ಕ್ ದಿಲಿ.   ಉಪ್ರಾಂತ್ ಸ್ತ್ರೀ ಸಂಘಟನಾಚೆ ಧ್ಯೇಯ್ ಗೀತ್ ಗಾಯ್ಲೆ.  ಶ್ರೀಮತಿ ಮೋಲಿ ಸಲ್ಡಾನಾನ್ ಧನ್ಯವಾದ್ ಪಾಟಯ್ಲೆ.  ಶ್ರೀಮತಿ ನಮಿತಾ ರೆಬೆಲ್ಲೊ ನ್ ಹ್ಯಾ ದಿಸಾಚೆಂ ಕಾರ್ಯನಿರ್ವಾಹಣ್ ಕೆಲೆಂ.  ಮರಿಯ ಡೆಕೊರೇಟರ‍್ಸ್ ಹಾಚೊ ಮ್ಹಾಲಕ್ ಮಾನೆಸ್ತ್ ಸುನಿಲ್ ಪಿರೇರಾನ್ ಭೋವ್ ಅಪುರ‍್ಬಾಯೆನ್ ವೆದಿ ಸಜವ್ಣಿ ಸಜಯಿಲ್ಲಿಉಪ್ರಾಂತ್ ವಿಗಾರ್ ಬಾಪಾನಿಂ ಹ್ಯಾ ದಿಸಾಚೆಂ ವಿಶೇಷತಾ ಜಾವ್ನ್ ರಾಂದುನ್ ಹಾಡ್ ಲ್ಲ್ಯಾ ಪಾವ್ಸಾ ಖಾಣಾಚೆರ್ ಆಶೀರ್ವಾದ್ ಮಾಗ್ಲೆಂ.  ಖಾಣಾ ಫೆಸ್ತಾಚ್ಯಾ ಜೆವ್ಣಾ ಸಂಭ್ರಮಾ ಸವೆಂ ಹೆಂ ಕಾರ್ಯೆಂ ಸಂಪಯ್ಲೆ.  ಹ್ಯಾ ಕಾರ್ಯಾಂತ್ 80 ಜಣಾಂ ಹಾಜರ್ ಆಸ್ ಲ್ಲಿ.