NEWS

ಕ್ರಿಸ್ತೀ ಶಿಕ್ಷಣ್‌ ಶಿಕಂವ್ಚ್ಯಾ ಶಿಕ್ಷಕಾಂಚೊ ಆನಿ ಭುರ್ಗ್ಯಾಂಚೊ ದೀಸ್‌ ಆಚರಣ್ 

ನವೆಂಬರ್ 9 ತಾರಿಕೆರ್ ಕ್ರೀಸ್ತೀ ಶಿಕ್ಷಣ್ ಶಿಕೊಂವ್ಚ್ಯಾ ಶಿಕ್ಷಕಾಂಚೊ ಆನಿ ಕ್ರೀಸ್ತೀ ಶಿಕ್ಷಣಾಂಚ್ಯಾ ಭುರ್ಗ್ಯಾಂಚೊ ದೊಡೊ ಸಂಭ್ರಮ್ ಸಕಾಳಿಂ 7.30ಚ್ಯಾ ಮಿಸಾಚ್ಯಾ ಬಲಿದಾನಾವೆಳಿಂ ಆಚರಣ್ ಕೆಲೊ. ವಿಗಾರ್  ಮಾ| ಬಾ| ಪಾವ್ಲ್ ಪಿಂಟೊ ಸಂಗಿಂ ಶಿಕ್ಷಕಾಂನಿ ಆನಿ ಭುರ್ಗ್ಯಾನಿಂ ವ್ಹಡಿಲಾಂ ಸಾಂಗಾತಾ ಮೆಳೊನ್ ದೆವಾಕ್ ಆರ್ಗಾಂ ದಿಲಿಂ.
ಮಿಸಾ ಉಪ್ರಾಂತ್ ಭುರ್ಗ್ಯಾಂಕ್ ಖೆಳ್ ಚಲವ್ನ್ ವೆಲೆ. ಉಪ್ರಾಂತ್ 9.30ಕ್ ಸಾಂ ಜುಜೆ ಕಲಾಭವನಾಂತ್‌ ಮಟ್ವೆಂ ವೆದಿ ಕಾರ್ಯೆಂ ಚಲೊನ್‌ ವೆಲೆಂ,  ಹ್ಯಾ ಕಾರ್ಯಾಕ್‌ ಫಿರ್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ ಅನಿ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀಮಾನ್ ಸಂದೀಪ್ ಮಿಸ್ಕಿತ್ ಹಾಜರ್ ಆಸುನ್‌ ವಿಗಾರ್ ಬಾಪಾನಿಂ ಮಾಗ್ಣೆಂ ಶಿಕವ್ಣ್ ಕಾರ್ಯಾಚೆರ್ ಆಶೀರ್ವಾದ್ ಮಾಗ್ಲೊ. ಶ್ರೀಮತಿ ರೇಶ್ಮಾ ಸಲ್ಡಾನಾನ್ ಕಾರ್ಯೆಂ ಚಲವ್ನ್ ವೆಲೆಂ ಅನಿ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಪಾಟಯ್ಲೊ.
ಖೆಳಾಂತ್ ಜಿಕಲ್ಲ್ಯಾಂಕ್ ವಿಗಾರ್ ಬಾಪ್ ಅನಿ ಉಪಾಧ್ಯಕ್ಷಾನ್ ಇನಾಮಾಂ ವಾಂಟ್ಲಿಂ. ವಿಗಾರ್ ಬಾಪಾಂನಿ ಸರ್ವ್ ಭುರ್ಗ್ಯಾಂಕ್ ಭುರ್ಗ್ಯಾಂಚ್ಯಾ ದಿಸಾಚೆ ಉಲ್ಲಾಸ್ ಪಾಟವ್ನ್‌ ಆಪ್ಲೊ ಸಂದೇಶ್ ದಿಲೊ.
ಶ್ರೀಮತಿ ಬೆನೆಡಿಕ್ಟಾ ಮಚಾದೊನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆ. ಭುರ್ಗ್ಯಾಂಕ್ ಅನಿ ಶಿಕ್ಷಕಾಂಕ್ ಫಳ್ಹಾರ್ ಅನಿ ಐಸ್ ಕ್ರೀಮ್ ದೀವ್ನ್ ಜಾತೆಚ್ ಕಾರ್ಯೆಂ ಅಕೇರ್ ಜಾಲೆಂ.