NEWS

2026--27ವ್ಯಾ ವರ್ಸಾಚೊ ಭಾವಾರ್ಥಾಚ್ಯಾ ತರ್ಬೆತಿಚ್ಯಾ ವರ್ಸಾಚೊ ದೀಸ್ ಸಕಾಳಿಂ 7-30ಚ್ಯಾ ಮಿಸಾಚ್ಯಾ ಬಲಿದಾನ ಸವೆಂ "*ಲಾನ್ ಭುರ್ಗ್ಯಾಂಕ್ ಮ್ಹಜೆ ಸರ್ಸಿನ್ ಯೇಂವ್ಕ್ ಸೊಡಾ* ಮ್ಹಳ್ಳ್ಯಾ ಧ್ಯೇಯಖಾಲ್ ಉಗ್ತಾವಣ್ ಕೆಲೆಂ. ಮಿಸಾಚ್ಯಾ ಸುರ್ವೆರ್ ಪಯ್ಲೆ ಕ್ಲಾಸಿ ಥಾವ್ನ್ ಪಿ.ಯು.ಸಿ.ಪರ್ಯಾಂತ್ ಬಾರಾ ಭುರ್ಗಿಂ ಹಾತಾಂತ್ ಪೆಟ್ಚೆ ದಿವೆ,ಆವಯ್ ಬಾಪಯ್ ಶ್ರೀ ಫ್ರಾನ್ಸಿಸ್ ಆನಿ ಶ್ರೀಮತಿ ಜುಲ್ಯೆಟ್ ವಾಸ್ ಹಾತಾಂತ್ ವಾತಿ, ದೊಗಾಂ ಭವಾರ್ಥಾಚ್ಯಾ ತರ್ಬೆತಿಚಿಂ ಶಿಕ್ಫಕಾಂ ಹಾತಾಂತ್ ಫುಲಾಂಚೊ ಝೆಲೊ ಆನಿ ಬಿಯೊ ಆನಿ ಭಾವಾರ್ಥಚ್ಯಾ ಶಿಕ್ಷಣಾಚಿ ಸಂಯೋಜಕಿ ಹಾತಾಂತ್ ಪವಿತ್ರ್ ಪುಸ್ತಕ್ ಘೆವ್ನ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ ಸವೆಂ ಆಲ್ತಾರಿರ್ ಮಾಂಡುನ್ ದವರಲ್ಲ್ಯಾ ಮೆಜಾ ಸರ್ಸಿಂ ಆಯ್ಲಿಂ. ಮೆಜಾರ್ ಪವಿತ್ರ್ ಪುಸ್ತಕ್ ದವರ್ತಚ್ ವಿಗಾರ್ ಬಾಪಾಂನಿ ಝೆಲೊ ಗಾಲ್ನ್ ಮಾನ್ ಕೆಲೊ. ಭುರ್ಗ್ಯಾಂನಿ ದಿವೆ ದವರ್ನ್ ಆವಯ್ ಬಾಪಾಂಯಿನಿ ವಾತಿ ದವರ್ನ್ ಆನಿ ಶಿಕ್ಷಕಾಂನಿ ಬೈಬಲಾಕ್ ಮಾನ್ ಕೆಲೊ.

ಉಪ್ರಾಂತ್ ಅನ್ಯೇಕಾ ಮೆಜಾರ್ ದವರಲ್ಲ್ಯಾ ಚಟ್ಟಿಂತ್ ಸರ್ವ್ ಭುರ್ಗ್ಯಾಂನಿ ಬಿಯೊ ಗಾಲ್ತಾಚ್ ವಿಗಾರ್ ಬಾಪಾಂನಿ ಉದಾಕ್ ವೊತ್ಲೆಂ. ಉಪ್ರಾಂತ್ ಆವಯ್-ಬಾಪಯ್ ತಶೆಂಚ್ ಶಿಕ್ಷಕಾಂನಿ ಉದಾಕ್ ಗಾಲ್ನ್ ಭವಾರ್ಥಾಚ್ಯಾ ತರ್ಬೆತಿಚ್ಯಾ ವರ್ಸಾಚೆಂ ಉಗ್ತಾವನ್ ಕೆಲೆಂ.