Embedded Files
ಶಿಕ್ಶಕಾಂಚೊ ದೀಸ್ ಆನಿ ಪ್ರತಿಭಾ ಪುರಸ್ಕಾರ್ ಕಾರ್ಯೆಂ
14 ಸಪ್ತೆಂಬರ್ 2025ವೆರ್, ಸಕಾಳಿಂ 10 ವರಾರ್ ಐ.ಸಿ.ವೈ.ಎಮ್ ಆನಿ ಕಥೊಲಿಕ್ ಸಭಾ ನಿರ್ಮಾರ್ಗ ಘಟಕಾನ್ ಶಿಕ್ಶಕಾಂಚೊ ದೀಸ್ ತಶೆಂಚ್ ಧಾವಿ, ಪಿಯುಸಿ ಆನಿ ಡಿಗ್ರಿಚ್ಯಾ ಭುರ್ಗ್ಯಾಂಕ್ ಪ್ರತಿಭಾ ಪುರಸ್ಕಾರ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ.
ಪ್ರಾರ್ಥನ್ ಗೀತಾ ದ್ವಾರಿಂ ಕಾರ್ಯಕ್ರಮಾಚಿ ಸುರ್ವಾತ್ ಕೆಲಿ. ಹ್ಯಾ ಕಾರ್ಯಾಕ್ ಫಿರ್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀ ಸಂದೀಪ್ ಮಿಸ್ಕಿತ್ ಆನಿ ಕಾರ್ಯಾದರ್ಶಿ ಶ್ರೀಮತಿ ಉಷಾ ಫೆರ್ನಾಂಡಿಸ್, ಹೋಲಿಕ್ರಾಸ್ ಕೊವೆಂತಾಚಿ ಸುಪೀರಿಯರ್ ಸಿ| ಸುಜಾತ ಡೆಸಾ, ಕಾರ್ಮೆಲ್ ಆಶ್ರಮ್ ಕೊವೆಂತಾಚಿ ಸುಪೀರಿಯರ್ ಸಿ| ಮಾರಿ ಜೇನ್, ಕಥೊಲಿಕ್ ಸಭಾ ಅಧ್ಯಕ್ಷ್ ಶ್ರೀಮತಿ ವಾಯ್ಲೆಟ್ ಸಲ್ಡಾನ್ಹಾ, ಐ.ಸಿ.ವೈ.ಎಮ್ ಸಚೇತಕ್ ಶ್ರೀ ಪ್ರಸಾದ್ ವಾಸ್ ಆನಿ ಐ.ಸಿ.ವೈ.ಎಮ್ ಅಧ್ಯಕ್ಷ್ ಲಿಶೋನ್ ಪಿರೇರಾ ವೆದಿರ್ ಹಾಜರ್ ಆಸೊವ್ನ್ ಕಾರ್ಯೆಂ ಸೊಭಯ್ಲೆಂ.
ಜಮ್ಲೆಲ್ಯಾ ಸಮೇಸ್ತಾಂಕ್ ಕಥೊಲಿಕ್ ಸಭಾ ಅಧ್ಯಕ್ಷ್ ಶ್ರೀಮತಿ ವಾಯ್ಲೆಟ್ ಸಲ್ಡಾನ್ಹಾ ಹಾಣಿಂ ಸ್ವಾಗತ್ ಪಾಠಯ್ಲೊ. ಉಪ್ರಾಂತ್ ಅತ್ಯಧಿಕ್ ಅಂಕ್ ಜೊಡ್ಲಲ್ಯಾ ಫಿರ್ಗಜೆಚ್ಯಾ ಭುರ್ಗ್ಯಾಂಕ್ ಸನ್ಮಾನ್ ಕೆಲೊ. ವಿಗಾರ್ ಬಾಪಾಂನಿ ಸರ್ವ್ ಶಿಕ್ಷಕಾಂಕ್ ಶುಭಾಶಯ್ ಪಾಠಯ್ಲೆo ಆನಿ ಭುರ್ಗ್ಯಾಂಕ್ ಹ್ಯಾಚ್ ವಾಟೆನ್ ಚಲುನ್, ಜಿವಿತಾಂತ್ ಮುಕಾರ್ ಬರೆಂ ಕರುಂಕ್ ಉಲೊ ದಿಲೊ. ವೆದಿ ಕಾರ್ಯೆಂ ಶ್ರೀ ಜೋಯ್ ಸಾನ್ನು ವಾಸ್ ಹಾಣಿಂ ಚಲೊವ್ನ್ ವ್ಹೆಲೆಂ.
ಉಪ್ರಾಂತ್ ಸರ್ವ್ ಶಿಕ್ಷಕಾಂಕ್ ಮನೋರಂಜನ್ ಕರ್ಚ್ಯಾಕ್ ಐ.ಸಿ.ವೈ.ಎಮ್. ಸಾಂದ್ಯಾಂನಿ ನಾಚ್ ಪ್ರದರ್ಶನ್ ಕೆಲೆಂ, ಉಲ್ಲಾಸಾಚೆಂ ಗೀತ್ ಗಾಯ್ಲೆಂ, ತಶೆಂಚ್ ಆಶ್ಟನ್ ಡಿಸೋಜ ಆನಿ ಓಶಲ್ ಸೆರಾವೊನ್ ಶಿಕ್ಷಕಾಂಕ್ ಖೆಳ್ ಮಾಂಡುನ್ ಹಾಡ್ಲೆ. ಐ.ಸಿ.ವೈ.ಎಮ್ ಅದ್ಯಕ್ಷ್ ಲಿಶೋನ್ ಪಿರೇರಾನ್ ಹಾಜರ್ ಜಾಲ್ಲ್ಯಾ ಸಮೇಸ್ತಾಂಕ್ ಧನ್ಯವಾದ್ ಪಾಠಯ್ಲೆಂ. ಐ.ಸಿ.ವೈ.ಎಮ್ ಧ್ಯೇಯ್ ಗೀತಾ ದ್ವಾರಿ ಕಾರ್ಯೆ ಸೊಂಪಯ್ಲೆ.
Google Sites
Report abuse