NEWS

21 ಸಪ್ತೆಂಬರ್ 2025ವೆರ್ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ನಿರ್ಮಾರ್ಗ ಘಟಕಾನ್ ತಶೆಂಚ್ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಸಿಟಿ ವಾರಾಡ್ಯಾನ್ "ಖುರ್ಸಾ ಸಂಗಿ ಥೊಡೊ ವೇಳ್" ಮ್ಹಳ್ಳೆಂ ತೈಜೆ ಮಾಗ್ಣೆಂ ಚಲೊವ್ನ್ ವ್ಹೆಲೆಂ. ಪಾಲ್ದಾನೆ ಫಿರ್ಗಜೆ ಥಾವ್ನ್ ಪುರ್ಶಾಂವಾರ್ ಹಾಡ್ಲ್ಯಾ ಕೆ.ಆರ್.ವೈ.ಸಿ. ಖುರ್ಸಾಕ್ ಘೆವ್ಚೆಂ ಸವೆಂ ಹ್ಯಾ ಕಾರ್ಯಾಚಿ ಸುರ್ವಾತ್ ಕೆಲಿ. ಫಿರ್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ ಹಾಣಿಂ ಖುರ್ಸಾಕ್ ಮಾನಾನ್ ಘೆತ್ಲೊ ಆನಿ ಏಕ್ ಮೊಟ್ವೆಂ ಮಾಗ್ಣೆಂ ವಿಧಿ ಚಲಯ್ಲೆಂ.

ಸಾಂಜೆಚ್ಯಾ 6:45 ವರಾರ್ ತೈಜೆ ಮಾಗ್ಣೆಂ ಆರಂಭ್ ಕೆಲೆಂ. ಹೆಂ ಮಾಗ್ಣೆಂ ಮಾ| ಬಾ| ಫ್ಲೇವಿಯನ್ ರಾಜ್ ಕಿರಣ್ ಲೊಬೊ ಹಾಂಚ್ಯಾ ಮುಖೆಲ್ಪಣಾರ್ ಚಲ್ಲೆಂ. 

ಫಿರ್ಗಜಿಚೊ ಲೋಕ್ ತಶೆಂಚ್ ವಾರಾಡ್ಯಾಚೆ ಹೆರ್ ಯುವಜಣ್ ಹ್ಯಾ ಮಾಗ್ಣ್ಯಾಕ್ ಹಾಜರ್ ಆಸ್ಲಿಂ. ಕಾರ್ಯಾಚ್ಯಾ ಆಕ್ರೇಕ್ ಐ.ಸಿ.ವೈ.ಎಮ್. ನಿರ್ಮಾರ್ಗ ಘಟಕಾಚ್ಯಾ ಅಧ್ಯಕ್ಷ್ ಲಿಶೋನ್ ಪಿರೇರಾನ್ ಸರ್ವಾಂಕ್ ಧನ್ಯವಾದ್ ಪಾಠಯ್ಲೆ .