Embedded Files
ಫಿರ್ಗಜ್ ಫೆಸ್ತ್
ಕಾಮೆಲಿ ಸಾಂ ಜುಜೆಕ್ ಸಮರ್ಪಿಲ್ಲ್ಯಾ ನಿರ್ಮಾರ್ ಫಿರ್ಗಜೆಂತ್ ಫಿರ್ಗಜ್ ಫೆಸ್ತ್ ದಸೆಂಬರ್ 7 ವೆರ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಸುರ್ವೆರ್ ಫೆಸ್ತಾಚೊ ವಾಂಟೊ ಜಾವ್ನ್ ಫೆಸ್ತಾಕ್ ಅರ್ಥಿಕ್ ರಿತಿನ್ ಕುಮೊಕ್ ಕೆಲ್ಲ್ಯಾ ಸರ್ವಾಂಕ್ ಪ್ರಧಾನ್ ಯಾಜಕ್ ಜಾವ್ನ್ ಹಾಜರ್ ಆಸ್ಲ್ಲ್ಯಾ ಜೆಪ್ಪು ಸೆಮಿನರಿಚೊ ರೆಕ್ಟರ್ ಮಾ| ಬಾ| ರಾಜೇಶ್ ರೊಸಾರಿಯೊನ್ ಮಾನಾಚ್ಯೊ ವಾತಿ ವಾಂಟ್ಲ್ಯೊ. ಫಿರ್ಗಜ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಮಾನೆಸ್ತಿಣ್ ಉಷಾ ಫೆರ್ನಾಂಡಿಸಾನ್ ನಾಂವಾಂ ವಾಚುನ್ ಸಾಂಗ್ಲಿಂ.
ಮಾ| ರಾಜೇಶ್ ರೊಸಾರಿಯೊ ಬಾಪಾಂನಿ ಹೆರ್ ಯಾಜಕಾಂಸಂಗಿಂ ಮಿಸಾಚೆಂ ಬಲಿದಾನ್ ಭೆಟವ್ನ್, ’ಸಾಂ. ಜುಜೆಚಿ ದೇಕ್ ಘೆವ್ಯಾಂ ಸಮುದಾಯೆಚೆ ಸಮರ್ಪಿತ್ ವಾವ್ರಾಡಿ ಜಾವ್ಯಾಂ’ ಮ್ಹಳ್ಳ್ಯಾ ವಿಶಯಾಚೆರ್ ನಿಯಾಳ್ ದಿಲೊ ಆನಿ ಹರ್ಯೆಕ್ಲ್ಯಾಕ್ ಸಮರ್ಪಿತ್ ರಿತಿನ್ ಜವಾಬ್ದಾರೆನ್ ಕಾಮ್ ಕರುಂಕ್ ಆಪವ್ಣೆಂ ದಿಲಾಂ ಆಸ್ತಾಂ, ಸಾಂ ಜುಜೆಪರಿ ಸಮರ್ಪಿತ್ ಜಿಣ್ಯೆಚಿ ದೇಕ್ ಘೆವ್ನ್ ಆಮಿ ಆಮ್ಚ್ಯಾ ಸಮುದಾಯಾಂತ್ ಸಮರ್ಪಿತ್ ವಾವ್ರಾಡಿ ಜಾವ್ನ್ ಸಮುದಾಯಾಚೊ ವಾವ್ರ್ ಆಮ್ಚ್ಯಾ ಕ್ರೀಸ್ತಿ ಜಿವಿತಾಚೊ ಮುಳಾವೊ ವಾವ್ರ್, ಸದಾಂಚ್ ಆಮಿ ಕರಿಜೆ ಜಾಲ್ಲೊ ವಾವ್ರ್ ಮ್ಹಳ್ಳೆಂ ಚಿಂತಪ್ ದವರ್ನ್ ಸಮುದಾಯ್ ಬಾಂದುನ್ ಹಾಡುಂಕ್ ಉಲೊ ದಿಲೊ.
ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊನ್ ಫಿರ್ಗಜ್ ಫೆಸ್ತಾಕ್ ಕುಮೊಕ್ ಕೆಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ ಆನಿ ಸರ್ವಾಂಕ್ ಫೆಸ್ತಾಚೆ ಉಲ್ಲಾಸ್ ಪಾಟಯ್ಲೆ. ತಶೆಂಚ್ ಮಿಸಾಚಿ ಸಹ ಭೆಟವ್ಣಿ ಕೆಲ್ಲ್ಯಾ ಮಂಗ್ಳುರ್ ದಿಯೆಸೆಜಿಚೆ ಎಸ್ಟೇಟ್ ಮ್ಯಾನೆಜರ್ ಮಾ| ಬಾ| ಮ್ಯಾಕ್ಸಿಮ್ ರೊಸಾರಿಯೊ, ಫರಂಗಿಪೇಟೆ ಕೊವೆಂತಾಚೊ ವ್ಹಡಿಲ್ ಮಾ| ಬಾ| ಡೆನಿಸ್ ಸಲ್ಡಾನ್ಹಾ, ದಿಯೆಸೆಜಿಚೊ ಚಾನ್ಸಲರ್ ಮಾ| ಬಾ| ವಿಕ್ಟರ್ ಜೋರ್ಜ್ ಡಿಸೊಜಾ, ಇಜಯ್ ಸೈಂಟ್ ಆನ್ಸ್ ಪ್ರಾಯರಿಚೊ ವ್ಹಡಿಲ್ ಮಾ| ಬಾ| ಜೆರಾಲ್ಡ್ ಲೋಬೊ, ಮಂಗ್ಳುರ್ ದಿಯೆಸೆಜಿಚೊ ಸಂಪರ್ಕ್ ಮಾಧ್ಯಮಾಚೊ ದಿರೆಕ್ತೊರ್ ಮಾ| ಬಾ| ಅನಿಲ್ ಫೆರ್ನಾಂಡಿಸ್, ಕಾರ್ಮೆಲಿತ್ ಮೆಳಾಚೊ ದೇವ್ ಆಪವ್ಣ್ಯಾಚೊ ನಿರ್ದೇಶಕ್ ಬಾ| ವಿಲ್ಸನ್ ತಾವ್ರೊ, ಸಿಒಡಿಪಿಚೊ ದಿರೆಕ್ತೊರ್ ಬಾ| ವಿನ್ಸೆಂಟ್ ಡಿಸೋಜಾ, ಬಿಸ್ಪಾಚೊ ಕಾರ್ಯದರ್ಶಿ ಬಾ| ಐವನ್ ಆಶ್ವಿನ್ ಡಿಸೋಜಾ, ಬಜ್ಪ್ಯಾಂ ಮೈನರ್ ಸೆಮಿನರಿಚೊ ರೆಕ್ಟರ್ ಬಾ| ಕೆವಿನ್ ಡಿಸೋಜಾ ಬಾ| ಮಾರ್ಕ್ ಸಲ್ಡಾನ್ಹಾ ಕಾಪುಚಿನ್, ಬಾ| ಸಿರಿಲ್ ಮಿನೇಜಸ್ ಕಾರ್ಮೆಲಿತ್, ಮಾ| ಬಾ| ಚಾಲ್ಸ್ ಮಿನೇಜಸ್, ಬಾ| ರೋಕ್ ಡಿಕುನ್ಹಾ, ಕಾಪುಚಿನ್ ಹಾಂಕಾಂ ಧಿನ್ವಾಸ್ ಪಾಟಯ್ಲೆ.
ಸರ್ವ್ ಫಿರ್ಗಜ್ಗಾರಾಂನಿ ಭಕ್ತಿಪಣಾನ್ ಮಿಸಾಚಾ ಬಲಿದಾನಾಂತ್ ವಾಂಟೊ ಘೆವ್ನ್ ಕಾಮೆಲಿ ಸಾಂ ಜುಜೆಕ್ ಅರ್ಗಾಂ ಪಾಟಯ್ಲಿ.
Google Sites
Report abuse