Embedded Files
ಕುಟ್ಮಾ ಮಹಿನೊ ಉಗ್ತಾವಣ್
ಜೆಜುಚ್ಯಾ 2025 ಜುಬ್ಲೆವಾಚ್ಯಾ ಸಂಭ್ರಮಾವೆಳಿಂ ಆಮ್ಚ್ಯಾ ಫಿರ‍್ಗಜೆಂತ್ ಕುಟ್ಮಾಚೊ ಜುಬ್ಲೆವ್ ಆಮಿ ಆಚರಣ್ ಕರ‍್ಚೆ ಖಾತಿರ್ ಫೆಬ್ರೆರ್ ಮಹಿನೊ ಕುಟ್ಮಾಚೊ ಮಹಿನೊ ಜಾವ್ನ್ ಆಚರಣ್ ಕರ‍್ಚ್ಯಾ ಸಂದರ್ಭಿಂ ತಾಚೆಂ ಉಗ್ತಾವಣ್ ಕಾರ‍್ಯೆಂ ಫೆಬ್ರೆರ್ 2ವೆರ್ ಆಯ್ತಾರಾ ಸಕಾಳಿಂ 7.30 ವರಾಂಚ್ಯಾ ಮಿಸಾವೆಳಿಂ ಚಲ್ಲೆಂ. ವಿಗಾರ್ ಬಾಪ್ ವೆದಿ ಸೆವಕ್, ದೇವ್‌ಸ್ತುತೆಂತ್ ವಾಂಟೆಲಿ ಜಾಂವ್ಚ್ಯಾ ದೋನ್ ಕುಟ್ಮಾಸವೆಂ, ಕುಟ್ಮಾ ಮಹಿನೊ ಉಗ್ತಾವಣ್ ಕರ‍್ಚ್ಯಾ ಕುಟ್ಮಾದಾರಾಂಸವೆಂ ಪುರ‍್ಶಾಂವಾರ್ ಯೆತೆಚ್ ಆಲ್ತಾರಿಚ್ಯಾ ವೆದಿರ್ ದವರ್‌ಲ್ಲೊ ದಿವೊ ಪೆಟವ್ನ್ ಕುಟ್ಮಾ ಮಹಿನೊ ಉಗ್ತಾಯ್ಲೊ. ಉಪ್ರಾಂತ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಚಲ್ಲೆಂ. ವಿಗಾರ್ ಬಾಪಾಂನಿ ಕುಟ್ಮಾಂತ್ ಆಮ್ಚಿ ಜವಾಬ್ದಾರಿ ಸಮ್ಜೊನ್ ಕುಟಮ್ ಪವಿತ್ರ್ ಜಾವ್ನ್ ಬಾಂದುನ್ ಹಾಡ್ನ್ ಕ್ರಿಸ್ತಾ ಥಾವ್ನ್ ಆಮ್ಕಾಂ ಲಾಬ್ಲೆಲ್ಯಾ ಉಜ್ವಾಡಾನ್ ಆಮ್ಚಿಂ ಕುಟ್ಮಾಂ ದೊಂಗ್ರಾ ವಯ್ಲ್ಯಾ ದಿವ್ಟೆಬರಿ ಪರ್ಜಳಾಂವ್ಕ್ ಉಲೊ ದಿಲೊ.
ಮಿಸಾಚ್ಯಾ ಅಕೇರಿಕ್ ತೊ ದೀಸ್ ಪವಿತ್ರ್ ಸಭಾ ಸಮರ್ಪಿತ್ ಜಿಣ್ಯೆಚೊ ದೀಸ್ ಸಂಭ್ರಮ್ಚ್ಯಾ ವಗ್ತಾ ಫಿರ‍್ಗಜ್‌ಗಾರಾಂ ತರ‍್ಫೆನ್ ಸರ‍್ವ್ ಆಯೋಂಗಾಚೊ ಸಂಚಾಲಕ್ ಮಾನೆಸ್ತ್ ಮಾವ್ರಿಸ್ ರೇಂಜಲಾನ್ ವಿಗಾರ್ ಬಾಪಾಂಕ್ ತಶೆಂಚ್ ದೊನ್‌ಯೀ ಕೊವೆಂತಾಚ್ಯಾ ಧರ್ಮ್‌ಭಯ್ಣಿಂಕ್ ತ್ಯಾ ದಿಸಾಚೆ ಉಲ್ಲಾಸ್ ಪಾಟಯ್ಲೆ. ಮಾನೆಸ್ತ್ ಅರುಣ್ ಡಿಸೋಜಾನ್ ವಿಗಾರ್ ಬಾಪಾಂಕ್ ಫುಲಾಂಚೆಂ ಝಾಡ್ ದೀವ್ನ್, ವಿಗಾರ್‌ಬಾಪಾಂನಿ ದೊನ್‌ಯೀ ಕೊವೆಂತಾಂಚ್ಯಾ ಧರ್ಮ್‌ಭಯ್ಣಿಂಕ್ ಫುಲಾಂ ಝಾಡ್ ದೀವ್ನ್ ಉಲ್ಲಾಸ್ ಪಾಟಯ್ಲೆ. ತಶೆಂಚ್ ಫಿರ‍್ಗಜೆಕ್ ಸೆವಾ ದಿಂವ್ಚ್ಯಾ ಫರಂಗಿಪೇಟೆ ಕೊವೆಂತಾಚ್ಯಾ ಧಾರ್ಮಿಕ್ ಯಾಜಕಾಂಕ್ ತಶೆಂಚ್ ಹೆರ್ ಧಾರ್ಮಿಕಾಂ ಪಾಸತ್ ಮಾಗ್ಣಿಂ ಭೆಟಯ್ಲಿಂ.
ಸಗ್ಳ್ಯಾ ಮಹಿನ್ಯಾಂತ್ ಕುಟ್ಮಾಖಾತಿರ್ ವಿವಿಧ್ ಕಾರ‍್ಯಕ್ರಮಾಂ ಮಾಂಡುನ್ ಹಾಡ್ಲ್ಯಾಂತ್ ಆಸ್ತಾಂ ತಾಂತುನ್ ಭಾಗ್ ಘೆಂವ್ಕ್ ವಿಗಾರ್ ಬಾಪಾಂನಿ ಉಲೊ ದಿಲೊ.
Google Sites
Report abuse