NEWS

ಪಾವ್ಸಾಂತ್ ಉಡ್ಕಣಾಂ

ಉಪ್ರಾಂತ್ ಸರ್ವ್ ಐ.ಸಿ.ವೈ.ಎಮ್ ಸಾಂದ್ಯಾನಿ ನಾಚ್ ಸಾದರ್ ಕರ್ನ್ ಸ್ಪರ್ದ್ಯಾಕ್ ಉತ್ತೀಮ್ ಸುರ್ವಾತ್ ದಿಲಿ. ಆಸ್ಟನ್ ಡಿಸೋಜಾನ್ ಸಗ್ಳೊ ಖೆಳಾ ಸ್ಪರ್ಧೊ ಭೋವ್ ಅಪುರ್ಬಾಯೆನ್ ಚಲೊವ್ನ್  ವೆಲೊ. ಒಟ್ಟುಕ್ ಉದಕ್ ವಪರ್ನ್ ಸಾತ್ ಖೆಳ್, ಸ್ಪೊಟ್ ಡ್ಯಾನ್ಸ್ ಆನಿಂ ಥೊಡೆ ಸ್ಪೊಟ್ ಗೇಮ್ಸ್ ಆಸ್ಲೆ. ಸರ್ವ್ ವಾಡ್ಯಾಚ್ಯಾನಿo ವಡಾ ಉಮೆದಿನ್ ಹ್ಯಾ  ಸ್ಪರ್ದ್ಯಾಂತ್ ಭಾಗ್ ಘೆತ್ಲೆ.

ಸಮಾರೋಪ್ ಕಾರ್ಯಾಕ್ ವೆದಿರ್ ಫಿರ್ಗಜ್ ವಿಗಾರ್ ಮಾ|ಬಾ|ಪಾವ್ಲ್ ಪಿಂಟೊ, ಫಿರ್ಗಜ್ ಗೊವ್ಳಿಕ್ ಪರಿಷದಿಚಿ ಕಾರ್ಯದರ್ಶಿ ಶ್ರೀಮತಿ ಉಷಾ ಫೆರ್ನಾಂಡಿಸ್, ಐ.ಸಿ.ವೈ.ಎಮ್ ಸಿಟಿ ವಾರಾಡ್ಯಾಚೊ ಅಧ್ಯಕ್ಷ್ ಶ್ರೀ ರಾಯಾನ್ ನೊರೊನ್ಹಾ, ಕೆ.ಅರ್.ವೈ.ಸಿ ಸಂಚಾಲಕ್ ಶ್ರೀ ಬ್ರಿಸ್ಟನ್ ರೊಡ್ರಿಗಸ್, ದಕ್ಷಿಣ ಕನ್ನಡ ಯುತ್ ಕಾಂಗ್ರೆಸ್ ಜೆರಾಲ್  ಕಾರ್ಯದರ್ಶಿ ಶ್ರೀ ಪ್ರಿಮಸ್ ಡಿಸೋಜಾ, ಐ.ಸಿ.ವೈ.ಎಮ್ ಸಚೇತಕ್ ಮಾನೇಸ್ತ್ ಪ್ರಸಾದ್ ವಾಸ್ , ಐ.ಸಿ.ವೈ.ಎಮ್ ಅಧ್ಯಕ್ಷ್ ಲೀಶೊನ್ ಪಿರೇರಾ ಆನಿ ಕಾರ್ಯದರ್ಶಿ ಓಶಲ್ ಸೆರಾವೊ ಹಾಜರ್ ಆಸ್ಲಿ. ಜಮ್ಲೆಲ್ಯಾ ಸಮೆಸ್ತಾಂಕ್ ಅಧ್ಯಕ್ಷ್ ಲೀಶೊನ್ ಪಿರೇರಾನ್ ಸ್ವಾಗತ್ ಪಾಟಯ್ಲೆಂ. ಉಪ್ರಾಂತ್ ವಿಗಾರ್ ಬಾಪಾನಿಂ ಆಪ್ಲೊ ಸಂದೇಶ್ ದಿಲೊ. ಕಾರ್ಯದರ್ಶಿ ಓಶಲ್ ಸೆರಾವೊನ್ ಧನ್ಯಾವಾದಾಚಿ ಉತ್ರಾo ಉಚರ್ಲಿ. ವರೈಯ್ಣಾರಾಂಕ್ ತಶೆಂಚ್ ಪೋಶಾಕಂಕ್  ಉಗ್ಡಾಸಾಚಿ ಕಾಣಿಕ್ ದಿವ್ನ್ ಮಾನ್ ಕೆಲೆಂ. ಅಸ್ಟನ್ ಡಿಸೋಜಾನ್ ವಿಜೇತಾಂಚಿ ನಾಂವಾಂ ವಾಚ್ಲಿ. ಪಯ್ಲೆo ಸ್ಥಾನ್ ಸಾಂ. ಫ್ರಾನ್ಸಿಸ್ ಆಸ್ಸಿಸಿ ಆನಿ ದುಸ್ರೆ ಸ್ಥಾನ್ ಫಾತಿಮಾ ವಾಡ್ಯಾಗಾರಾಂನಿ ಆಪ್ಣಾಯ್ಲೆo.   ಐ.ಸಿ.ವೈ.ಎಮ್ ಧ್ಯೇಯ್ ಗೀತ್ ಗಾವ್ನ್  ಬಾಯ್ಲಾ ನಾಚಾ ದ್ವಾರಿ ಕಾರ್ಯೆಂ ಸಂಪಯ್ಲೆo.