Embedded Files
ಕೊಂಪ್ರಿಚೊ ಆಯ್ತಾರ್
ಕಾಮೆಲಿ ಸಾಂ ಜುಜೆಕ್ ಸಮರ್ಪಿಲ್ಲ್ಯಾ ನಿರ್ಮಾರ್ ಫಿರ್ಗಜೆಂತ್ ನವೆಂಬರ್ 30ವೆರ್ ಕೊಂಪ್ರಿಚೊ ಆಯ್ತಾರ್ ಭೋವ್ ಅಪುರ್ಬಾಯೆನ್ ಆಚರಣ್ ಕೆಲೊ. ಸಾಂಜೆರ್ 4.00 ವರಾರ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ, ಮಾ| ಬಾ| ಚಾರ್ಲ್ಸ್ ಮಿನೇಜಸ್, ಮಾ| ಬಾ| ಲ್ಯಾನ್ಸಿ ರೆಬೆಲ್ಲೊಸಂಗಿಂ ಸರ್ವಾಂನಿ ಮಿಸಾಚ್ಯಾ ಬಲಿದಾನಾಂತ್ ಭಕ್ತಿಪಣಾನ್ ಭಾಗ್ ಘೆತ್ಲೊ.
ಪ್ರಧಾನ್ ಯಾಜಕ್ ಜಾವ್ನ್ ಹಾಜರ್ ಆಸ್ಲ್ಲ್ಯಾ ಮಾ| ಲ್ಯಾನ್ಸಿ ರೆಬೆಲ್ಲೊ ಬಾಪಾಂನಿ ‘ಇಗರ್ಜೆಂತ್ ಎವ್ಕರಿಸ್ತ್ ಭೆಟೊವ್ಯಾಂ, ಕುಟ್ಮಾಂನಿ ಎವ್ಕರಿಸ್ತ್ ಜಿಯೆವ್ಯಾಂ’ ಮ್ಹಳ್ಳ್ಯಾ ವಿಶಯಾಚೆರ್ ಇಗರ್ಜೆಚ್ಯಾ ಆಲ್ತಾರಿಥಾವ್ನ್ ಜೆಜುಕ್ ಘೆವ್ನ್ ಸಮಾಜೆಚ್ಯಾ ಸತಾಚ್ಯಾ ಆಲ್ತಾರಿಕ್ ವಳಕ್ ದೀಂವ್ಕ್ ಹೊ ಎವ್ಕರಿಸ್ತ್ ಆಧಾರ್ ಜಾಂವ್ದಿ ಮ್ಹಳ್ಳೊ ನಿಯಾಳ್ ದಿಲೊ. ಮಿಸಾ ಉಪ್ರಾಂತ್ ತಾಂಣಿ ಸಾಕ್ರಾಮೆಂತಾಚೆಂ ಆರಾಧಾನ್ ಚಲವ್ನ್ ವೆಲೆಂ.
ಉಪ್ರಾಂತ್ ಇಗರ್ಜೆ ಥಾವ್ನ್ ಕಾರ್ಮೆಲ್ ಕೊವೆಂತಾ ಪರ್ಯಾಂತ್ ಬ್ಯಾಂಡ್, ಫಿರ್ಗಜ್ ಲೋಕ್, ಆಲ್ತಾರ್ ಭುರ್ಗೆ, ಕೊಯರಿಸ್ತಾಂ, ಧವ್ಯಾ ನ್ಹೆಸ್ಣಾರ್ ಸೊಭ್ಚ್ಯಾ ನೆಣ್ತುಲ್ಯಾ ಭುರ್ಗ್ಯಾಂಸವೆಂ ಎವ್ಕರಿಸ್ತ್ ಪುರ್ಶಾಂವಾರ್ ವರ್ನ್ ಥಂಯ್ಸರ್ ಎವ್ಕರಿಸ್ತಾಕ್ ಮಾನ್ ಕೆಲೊ. ಸರ್ವಾಂನಿ ಶಿಸ್ತೆನ್ ತಶೆಂಚ್ ಭಕ್ತಿಪಣಾನ್ ಹ್ಯಾ ಎವ್ಕರಿಸ್ತಿಕ್ ಪುರ್ಶಾಂವಾಂತ್ ಭಾಗ್ ಘೆತ್ಲೊ.
Google Sites
Report abuse