Embedded Files
ಸಾಂ ಜುಜೆ ಕಾಮೆಲಿ ಫಿರ್ಗಜೆಂತ್ ತೀನ್ ದಿಸಾಂಚೆಂ ಶಿಬಿರ್
ಸಾಂ ಜುಜೆ ಕಾಮೆಲಿ ಫಿರ್ಗಜೆಂತ್ ತೀನ್ ದಿಸಾಂಚೆಂ ಶಿಬಿರ್
ನಾಚೊನ್ ಖೆಳೊನ್ ಭಾಗ್ ಘೆವ್ಯಾಂ ಭರ್ವಶ್ಯಾಚಿಂ ಯಾತ್ರಿಕಾಂ ಜಾವ್ಯಾಂ. ಹ್ಯಾ ಧ್ಯೇಯಖಾಲ್ ಕಾಮೆಲಿ ಸಾಂ ಜುಜೆ ಫಿರ್ಗಜೆಂತ್ ಚೊವ್ತ್ಯಾ ಕ್ಲಾಸಿ ಥಾವ್ನ್ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ಎಪ್ರಿಲ್ 13,14 ಅನಿ 15 ತಾರಿಕೆರ್ ತೀನ್ ದಿಸಾಂಚೆಂ ರಜೆ ಶಿಬಿರ್ ವಿಗಾರ್ ಬಾಪ್ ಮಾ/ಪಾವ್ಲ್ ಪಿಂಟೊ ಹಾಂಚ್ಯಾ ನಿರ್ದೇಶನಖಾಲ್ ಮಂಗ್ಳೂರ್ ದಿಯೆಸೆಜಿಚೆ ಬ್ರ| ಆಸ್ಟಿನ್ ವಾಸ್ ಆನಿ ಬ್ರ| ರೋಯ್ಸ್ಟನ್ ಡಿ ಸೋಜ ಹಾಣಿಂ ಚಲವ್ನ್ ವೆಲೆಂ.
13-04-26ವೆರ್ ಸಕಾಳಿಂ 9 ವರಾರ್ ಪವಿತ್ರ್ ಬಲಿಧಾನಾ ಮುಖಾಂತ್ರ್ ಸುರ್ವಾತ್ ಕೆಲಿ.ಉಪ್ರಾಂತ್ ಉದ್ಘಾಟನ್ ಕಾರ್ಯೆಂ 9.45 ಕ್ ಸಂಭ್ರಮ್ ಹಾಲಾಂತ್ ಚಲ್ಲೆಂ. ಫಿರ್ಗಜ್ ವಿಗಾರ್ ಮಾ/ಪಾವ್ಲ್ ಪಿಂಟೊ ಬಾಪಾನಿಂ ಅಧ್ಯಕ್ಷ್ ಸ್ಥಾನ್ ಘೆತ್ಲೆಂ. ವೆದಿಚೆರ್ ಫಿರ್ಗಜ್ ಗೊವ್ಳಿ ಮಂಡಳೆಚಿ ಉಪಾಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾಂಡಿಸ್, ಕಾರ್ಯದರ್ಶಿ ಶ್ರೀ ಸುನಿಲ್ ಪಿರೇರ, ಆಯೋಗಾಂಚೊ ಸಂಚಾಲಕ್ ಸುಜಿತ್ ಸಿಕ್ವೇರ, ಬ್ರ/ರೋಯ್ಸ್ಟನ್ ಆನಿ ಕ್ರೀಸ್ತೀ ಶಿಕ್ಷಣಾಚಿ ಸಂಚಾಲಕಿ ಶ್ರೀಮತಿ ಬೆನ್ನಿ ಮಚಾದೊ ಹಾಜರ್ ಆಸಲ್ಲಿಂ. ಜಮಲ್ಲ್ಯಾ ಸರ್ವಾಂಕ್ ಕ್ರೀ.ಶಿ.ಸ.ಬೆನ್ನಿ ಮಚಾದೊನ್ ಸ್ವಾಗತ್ ಕೆಲೆಂ. ವಿಗಾರ್ ಬಾಪಾನಿಂ ಆಪ್ಲ್ಯಾ ಸಂದೇಶಾಂತ್ ಶಿಬರಾಚಿ ಗರ್ಜ್ ಭುರ್ಗ್ಯಾಂಕ್ ತಿಳ್ಸಿಲಿ. ಬ್ರದರಾನಿಂ ತೀನ್ ದೀಸ್ ವಿವಿಧ್ ಥರಾಂಚ್ಯಾ ಚಟುವಟಿಕಾಂ ಮುಖಾಂತರ್ ಭುರ್ಗ್ಯಾಂಕ್ ಶಿಕವ್ಣ್ ದಿಲಿ. ಸಕ್ರಾಮೆಂತ್, ಲಾನ್ ಕ್ರಿಸ್ತಾಂವ್ ಸಮೂದಾಯ್, ದೇವ್ ಆಪೊವ್ಣೆ, ಲಿತುರ್ಜಿ ಕಶಿ ಚಲವ್ಣ್ ವರ್ಚಿ ಮಾತ್ರ್ ನೈಂ ಆಸ್ತಾಂ ವಿವಿಧ್ ಚಟುವಟಿಕೊ ದೀವ್ನ್ ಭುರ್ಗ್ಯಾಂನಿ ಮುಕಾರ್ ಯೆಂವ್ಚಾಕ್ ಆವ್ಕಾಸ್ ಕರ್ನ್ ದಿಲೊ.
15-04-26 ವೆರ್ 4ವರಾಂಚೆರ್ ಸಮಾರೋಪ್ ಕಾರ್ಯೆಂ ಚಲ್ಲೆಂ. ವಿಗಾರ್ ಬಾಪಾನಿಂ ಅಧ್ಯಕ್ಷ್ ಸ್ಥಾನ್ ಘೆತ್ಲೆಂ. ಧಾವಿ ಕ್ಲಾಸಿಚ್ಯಾ ಪ್ರಿಸ್ಟನ್ ಆನಿ ಪಂಗ್ಡನ್ ಸ್ವಾಗತ್ ಕಾರ್ಯೆಂ ಚಲವ್ನ್ ವೆಲೆಂ. ಕು| ಸಾಂಜಿಯಾ ಮಿನೇಜಸ್ ಆನಿ ಕು| ಆಂಡ್ರಿಯಾ ರೊಡ್ರೀಗಸ್ ಹಾಣಿಂ ಶಿಬಿರ ವಿಷ್ಯಾಂತ್ ಆಪ್ಲೊ ಅನ್ಭೋಗ್ ಸಾಂಗ್ಲೊ . ತಾಣಿಂ ಶಿಬಿರ್ ಬೊರೇಂ ಜಾಲೆಂ. ಅಸಲಿಂ ಶಿಬಿರಂ ಅನಿಕ್ ಯೀ ಜಾಯ್ ಮ್ಹಳ್ಳೊ ಅಭಿಪ್ರಾಯ್ ಭುರ್ಗ್ಯಾಂನಿ ಉಚಾರ್ಲೊ. ವಿಗಾರ್ ಬಾಪಾನಿಂ ಅಪ್ಲ್ಯಾ ಸಂದೇಶಾಂತ್ ಭುರ್ಗ್ಯಾಂನಿಂ ಶಿಬಿರಾಕ್ ಹಾಜರ್ ಜಾವ್ಣ್ ಅತ್ಮಿಕ್ ತಶೆಂಚ್ ಲೌಕಿಕ್ ಸಮ್ಜೊಣಿಂ ಜೊಡಲ್ಲ್ಯಾ ವಿಶಿಂ ಸಂತೊಸ್ ಉಚಾರ್ಲೊ. ಶ್ರೀಮತಿ ಬೆನ್ನಿ ಮಚಾದೊನ್ ಧನ್ಯವಾದ್ ಪಾಟಯ್ಲೆ. ಐಸ್ ಕ್ರೀಮ್ ಸೆವ್ನ್ ಭುರ್ಗಿಂ ಸಂತೊಸಾನ್ 5 ವರಾರ್ ತಾಂಚ್ಯಾ ಘರಾ ಚಮ್ಕಾಲಿಂ.
Google Sites
Report abuse