NEWS

ಹ್ಯಾಚ್ಚ್  ಜೂನಾಚ್ಯಾ 21 ವೆರ್  ಆಯ್ತಾರಾ  ಕಥೊಲಿಕ್  ಸಭಾ  ನಿರ್ಮಾರ್ಗ  ಘಟಕಾನ್  ವನಮಹೋತ್ಸವ್  ಕಾರ್ಯಕ್ರಮ್  ವಿಶಿಷ್ಟ್  ರಿತಿನ್  ಮಾಂಡುನ್  ಹಾಡ್ ಲ್ಲೆ.  ಪ್ರಾರ್ಥನ್  ಗಿತಾ  ದ್ವಾರಿಂ  ಕಾರ್ಯೆಂ  ಆರಂಭ್  ಕೆಲೆಂ.  ಫಿರ್ಗಜಿಚ್ಯಾ  16 ವಾಡ್ಯಾ೦ಚಾ  ಗುರ್ಕಾರಾಂಕ್  ತಶೆಂಚ್  ಸಂಘ್  ಸಂಸ್ಥ್ಯಾಚ್ಯಾ  ಸರ್ವ್  ಅಧ್ಯಕ್ಷಾಂಕ್  ಆನಿಂ  ದೊನೀ  ಕೊವೆಂತಾಚಾ  ಸಿಸ್ಟರಾಂಕ್    ಅಂಬ್ಯಾಚಿ  ಝಡಾಂ  ದೀವ್ನ್  ಬೊರಿ  ಪೋಸ್  ಕೆಲ್ಲ್ಯಾ  ಝಡಾಂಕ್  ಇನಾಮಾಂ  ಭಾಸಾಯ್ಲಿಂ .    

ಕಥೊಲಿಕ್  ಸಭೆಚೊ  ಅಧ್ಯಕ್ಷ್  ರೊನಾಲ್ಡ್  ಸಲ್ಡಾನ್ಹಾನ್  ಸರ್ವಾಂಕ್  ಸ್ವಾಗತ್  ಕೆಲೊ.  ಝಡಾಕ್  ಉದಾಕ್  ಘಾಲ್ನ್  ಸಾಂಕೇತಿಕ್  ರಿತಿನ್  ವಿಗಾರ್  ಬಾಪಾಂನಿ  ತಶೆಂಚ್  ವೆದಿರ್  ಆಸ್ ಲ್ಲ್ಯಾ  ಸಯ್ರ್ಯಾಂನಿ  ಕಾರ್ಯಕ್ರಮಾಚೆಂ  ಉದ್ಘಾಟನ್  ಕೆಲೆಂ.  ಕಾರ್ಯಾಚೆಂ  ಅಧ್ಯಕ್ಷ್  ಸ್ಥಾನ್  ಘೆತ್ ಲ್ಲ್ಯಾ , ವಿಗಾರ್  ಬಾಪ್  ಮಾನಾದಿಕ್  ಪಾವ್ಲ್  ಪಿಂಟೊನ್  ಆಪ್ಲ್ಯಾ  ಸಂದೇಶಾಂತ್  ರೂಕ್  ಝಡಾಂ  ಲಾಯಿಲ್ಲೆ  ವರ್ವಿಂ  ಆಮ್ಚೆ  ವಾತಾವರಣ್  ಬೊರೆ  ಉರ್ತಾ,  ಬೊರೆಂ  ವಾರೆಂ  ಆಮ್ಕಾಂ  ಮೆಳ್ತಾಂ  ತಶೆಂಚ್  ಆಮ್ಚಿ  ಭಲಾಯ್ಕಿ  ಬೊರಿ  ಆಸ್ತಾಂ.  ಪಾಪಾ  ಫ್ರಾನ್ಸಿಸಾನ್  'ಲಾವ್ದಾತೊ    ಸೀ'  ಮ್ಹಳ್ಳ್ಯಾ  ಪರಿಪತ್ರಾಂತ್    ಪರಿಸರ್  ರಕ್ಷಣ್  ಕರುಂಕ್  ಉಲೊ  ದಿಲ್ಲೊ  ಆಸ್ತಾಂ,  ಆಮಿ  ಹರ್ಯೇಕ್ಲ್ಯಾನೀ  ಆಮ್ಚೆ  ಪರಿಸರ್  ರೂಕ್  ಝಡಾಂ  ಲಾವ್ನ್  ಸಂರಕ್ಷಣ್  ಕರ್ಚಿ  ಆಮ್ಚಿ  ಸರ್ವಾಂಚಿ    ಜವಾಬ್ದಾರಿ.  ಹಾಕಾ  ಉತ್ತೇಜನ್  ದೀವ್ನ್  ಕಥೊಲಿಕ್  ಸಭೆನ್  ಮಾಂಡುನ್  ಹಾಡ್ ಲ್ಲೆಂ  ಕಾರ್ಯಕ್ರಮ್  ಉತ್ತಮ್  ಜಾವ್ನಾಸಾ  ಮ್ಹಣೊನ್  ಸಾಂಗ್ಲೆಂ.