NEWS

ಜೆಜುಚೆಂ ಲ್ಹಾನ್ ಫುಲ್  ವಾಡೊ: ಮೊಂತಿ ಫೆಸ್ತ್ ಆಚರಣ್

ಜೆಜುಚೆಂ ಲ್ಹಾನ್ ಫುಲ್ ವಾಡ್ಯಾಚಿ ಸಮುದಾಯಿಕ್ ಜಮಾತ್ ಸಾಂಗಾತಾಚ್ ಮೊಂತಿ ಫೆಸ್ತಾಚೊ ಸಂಭ್ರಮ್ ಸಪ್ತೆಂಬರ್ 15 ವೆರ್ ಮಾನೆಸ್ತ್ ಸ್ಟ್ಯಾನಿ ಪೆರಿಸ್ ಹಾಚ್ಯಾ ಘರಾ ಸಾಂಜೆರ್ 4.15 ವೊರಾರ್ ಚಲ್ಲೊ.

ಮರಿಯೆ ಮಾಯೆಚ್ಯಾ ಗಿತಾಸವೆಂ ಕಾರ್ಯೆಂ ಸುರ್ವಾತ್ಲೆಂ. ಗುರ್ಕಾರ್ ಲವೀನಾ ಪೆರಿಸಾನ್ ಮಾಗ್ಣ್ಯಾವಿಧಿ ಚಲವ್ನ್ ವೆಲಿ. ಉಪ್ರಾಂತ್ ಸರ್ವಾಂನಿ ಸಾಂಗಾತಾ ಮೆಳೊನ್ ಮರಿಯೆಕ್ ಫುಲಾಂ ಅರ್ಪಿಲಿಂ. 

ಮನೋರಂಜನ್ ಜಾವ್ನ್ ವಿವಿಧ್ ಖೆಳ್ ಮಾಂಡುನ್ ಹಾಡ್ನ್ ವಿಜೇತಾಂಕ್ ಇನಾಮಾಂ ವಾಂಟ್ಲಿಂ. ಉಪ್ರಾಂತ್ ಕಾರ್ಯದರ್ಶಿ ರೆನಿಟ ರೆಬೆಲ್ಲೊನ್ ಆದ್ಲ್ಯಾ ಮಹಿನ್ಯಾಚಿ ವರ‍್ದಿ ವಾಚ್ಲಿ. ಸೆಪ್ಟೆಂಬರ್ ಮಹಿನ್ಯಾಂತ್ ಜಲ್ಮಾದಿವಸ್ ಆನಿ ಲಗ್ನಾ ವಾರ್ಷಿಕೋತ್ಸವ್ ಆಚರಣ್ ಕರ‍್ಚ್ಯಾ ಸರ‍್ವಾಂಕ್ ಉಲ್ಲಾಸಿಲೆಂ.

ಮೊಂತಿ ಫೆಸ್ತಾಚೊ ಸಂಕೇತ್ ಜಾವ್ನ್ ಸರ್ವಾಂನಿ ಸಾಂಗಾತಾ ಮೆಳೊನ್ ವೋರ್ನ್ ಸೆವ್ಲೆಂ. 

ಮಾನೆಸ್ತಿಣ್ ಸಿಲ್ವಿಯಾ ಪಿರೇರಾನ್ ಕಾರ್ಯೆಂ ನಿರ್ವಾಹಣ್  ಕೆಲೆಂ. ಮಾನೆಸ್ತಿಣ್ ಶಾಂತಿ ರೆಬೆಲ್ಲೊನ್ ಧನ್ಯವಾದ್ ಪಾಟಯ್ಲೆ. ಸಾಮುದಾಯಿಕ್ ಗಿತಾ ಸವೆಂ ಕಾರ್ಯೆಂ ಸಂಪ್ಲೆಂ.