Embedded Files
ಫಿರ್ಗಜ್ ಫೆಸ್ತ್
ಕಾಮೆಲಿ ಸಾಂ ಜುಜೆಕ್ ಸಮರ್ಪಿಲ್ಲ್ಯಾ ನಿರ್ಮಾರ್ ಫಿರ್ಗಜೆಂತ್ ಫಿರ್ಗಜ್ ಫೆಸ್ತ್ ದಸೆಂಬರ್ 1 ವೆರ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಸುರ‍್ವೆರ್ ಫೆಸ್ತಾಚೊ ವಾಂಟೊ ಜಾವ್ನ್ ಫೆಸ್ತಾಕ್ ಅರ್ಥಿಕ್ ರಿತಿನ್ ಕುಮೊಕ್ ಕೆಲ್ಲ್ಯಾ ಸರ‍್ವಾಂಕ್ ಬಾ| ಅನಿಲ್ ಲೋಬೊನ್ ಮಾನಾಚ್ಯೊ ವಾತಿ ವಾಂಟ್ಲ್ಯೊ.
ಪ್ರಧಾನ್ ಯಾಜಕ್ ಜಾವ್ನ್ ದೆರೆಬಯ್ಲ್ ಮಾ| ಬಾ| ಜೋಸೆಫ್ ಮಾರ್ಟಿಸ್ ಹಾಜರ್ ಆಸೊನ್ ಸಾಂ. ಜುಜೆಪರಿ ಸಮರ್ಪಿತ್ ವಾವ್ರಾಡಿ ಜಾವ್ಯಾಂ, ಸಮುದಾಯ್ ಬಾಂದುನ್ ಹಾಡ್ಯಾಂ’ ಮ್ಹಳ್ಳ್ಯಾ ವಿಶಯಾಚೆರ್ ನಿಯಾಳ್ ದಿಲೊ ಆನಿ ಹರ‍್ಯೆಕ್ಲ್ಯಾಕ್ ಸಮರ್ಪಿತ್ ರಿತಿನ್ ಜವಾಬ್ದಾರೆನ್ ಕಾಮ್ ಕರುಂಕ್ ಆಪವ್ಣೆಂ ದಿಲಾಂ ಆಸ್ತಾಂ ಸಾಂ ಜುಜೆಪರಿ ಸಮರ್ಪಿತ್ ಜಿಣ್ಯೆಚಿ ದೇಕ್ ಘೆವ್ನ್ ಆಮಿ ಆಮ್ಚ್ಯಾ ಸಮುದಾಯಾಂತ್ ಸಮರ್ಪಿತ್ ವಾವ್ರಾಡಿ ಜಾವ್ನ್ ಸಮುದಾಯ್ ಬಾಂದುನ್ ಹಾಡುಂಕ್ ಉಲೊ ದಿಲೊ.
ವಿಗಾರ್ವಾರ್ ಮಾ| ಬಾ| ಜೇಮ್ಸ್ ಮಿನೇಜಸ್ ಹಾಜರ್ ಆಸೊನ್ ಸರ‍್ವಾಂಕ್ ಫೆಸ್ತಾಚೆ ಉಲ್ಲಾಸ್ ಪಾಟಯ್ಲೆ. ಫಿರ್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊನ್ ಫಿರ್ಗಜ್ ಫೆಸ್ತಾಕ್ ಕುಮೊಕ್ ಕೆಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ತಶೆಂಚ್ ಮಿಸಾಚಿ ಸಹ ಭೆಟವ್ಣಿ ಕೆಲ್ಲ್ಯಾ ವಿಗಾರ್ವಾರ್ ಮಾ| ಬಾ| ಜೇಮ್ಸ್ ಮಿನೇಜಸ್, ಬಾ| ಕೆವಿನ್ ಡಿಸೋಜಾ, ಬಾ| ರೋಕ್ ಡಿಕುನ್ಹಾ, ಬಾ| ಚಾರ್ಲ್ಸ್ ಮಿನೇಜಸ್, ಬಾ| ಅನಿಲ್ ಲೋಬೊ ಆನಿ ಬಾ| ಸಿರಿಲ್ ಮಿನೇಜಸ್, ಬಾ| ಜೀವನ್, ಬಾ| ಅರುಣ್ ಹಾಂಕಾಂ ಧಿನ್ವಾಸ್ ಪಾಟಯ್ಲೆ.
ಸರ‍್ವ್ ಫಿರ್ಗಜ್‌ಗಾರಾಂನಿ ಭಕ್ತಿಪಣಾನ್ ಮಿಸಾಚಾ ಬಲಿದಾನಾಂತ್ ವಾಂಟೊ ಘೆವ್ನ್ ಕಾಮೆಲಿ ಸಾಂ ಜುಜೆಕ್ ಅರ‍್ಗಾಂ ಪಾಟಯ್ಲಿ.
Google Sites
Report abuse