NEWS

ಆಮ್ಚ್ಯಾ ಫಿರ‍್ಗಜೆಂತ್ ಮಾರ್ಚ್ 10 ಥಾವ್ನ್ 13 ತಾರಿಕೆ ಪರ‍್ಯಾಂತ್ ಚಾರ್ ದೀಸ್ ಸಾಂಜೆರ್ 3.45 ಥಾವ್ನ್ 7.15 ವೇಳ್ ಮ್ಹಣಾಸರ್ ಫಿರ್ಗಜ್‌ಗಾರಾಂಕ್ ಕರೆಜ್ಮಾಚಿ ರೆತಿರ್ ಮಾಂಡುನ್ ಹಾಡ್‌ಲ್ಲಿ. ವಿಗಾರ್ ಬಾಪಾಂಚ್ಯಾ ಮುಕೇಲ್ಪಣಾರ್ ಹಿ ರೆತಿರ್ ಭೋವ್ ಅರ್ಥಾಭರಿತ್ ರಿತಿನ್ ಚಲ್ಲಿ. ಬಜಾಲ್ ಫಿರ‍್ಗಜ್ ವಿಗಾರ್ ಮಾ|  ಬಾ| ಆಂಡ್ರು ಡಿಸೋಜಾ ಆನಿ ಪಕ್ಷಿಕೆರೆ ಫಿರ‍್ಗಜ್ ವಿಗಾರ್ ಮಾ| ಬಾ| ಅನಿಲ್ ಆಲ್ಫ್ರೆಡ್ ಡಿಸೋಜಾ ಹಾಂಣಿ ರೆತಿರ್ ಚಲವ್ನ್ ವೆಲಿ. ಆಮ್ಚ್ಯಾ ಬಾಪಾ ಮಾಗ್ಣ್ಯಾವಿಶ್ಯಾಂತ್ ಗುಂಡಾಯೆನ್ ಆನಿ ಅರ್ಥಾಭರಿತ್ ರಿತಿನ್ ಶಿಕವ್ಣ್ ದೀವ್ನ್ ದೆವಾಚ್ಯಾ ಉತ್ರಾಂಕ್ ಮನ್ ಕಾಳಿಜ್ ಉಗ್ತೆಂ ದವ್ರುನ್ ಅತ್ಮಿಕ್ ಬರೆಂಪಣ್ ಜೊಡುಂಕ್ ಉಲೊ ದಿಲೊ. ಮಾನೆಸ್ತ್ ಜೋನ್ ಡಿಸೋಜಾ ಫೆರಾರ್ ಹಾಜರ್ ಆಸೊನ್ ಅರ‍್ಗಾಂ ಮಾಗ್ಣಿಂ ತಶೆಂಚ್ ಕಂತಾರಾಂ ಶಿಕವ್ನ್ ರೆತಿರೆಂತ್ ಫಾವೊತೆ ಪರಿಂ ಭಾಗ್ ಘೆಂವ್ಕ್ ಆಧಾರ್ ದಿಲೊ.