NEWS

ಭಾಗೆವಂತ್ ಖುರ್ಸಾ ವಾಡೊ: ವಾಡ್ಯಾ ದೀಸ್ ಆಚರಣ್

ಭಾಗೆವಂತ್ ಖುರ್ಸಾ ವಾಡ್ಯಾಚೊ ವಾಡ್ಯಾ ದೀಸ್ ಆನಿ ಮೊಂತಿ ಸಾಯ್ಬಿಣಿಚೆ ಫೆಸ್ತ್ ಸಪ್ತೆಂಬರ್ 15 ವೆರ್ ಶ್ರೀ ಕ್ಲೆಮೆಂಟ್ ಬ್ರ್ಯಾಗ್ಸ್ ಹಾಂಚ್ಯಾ ಘರಾ 11.30 ವರಾರ್ ಮಾಂಡುನ್ ಹಾಡ್‌ಲ್ಲೆಂ. ಪವಿತ್ರ್ ಬೈಬಲಾಕ್ ಮಾನ್ ಕರುಂಕ್ ಮಾಗ್ಣ್ಯಾ ವಿಧಿ ಆಚರಣ್ ಕೆಲಿ. ಉಪ್ರಾಂತ್ ವಿಗಾರ್ ಮಾ| ಪೌಲ್ ಪಿಂಟೊ ಬಾಪಾಂನಿ ಆಶೀರ್ವಾದಾಚೆಂ ಮಾಗ್ಣೆ ಭೆಟಯ್ಲೆಂ. ಮೊಂತಿ ಸಾಯ್ಬಿಣಿಕ್ ಮಾನ್ ಕರುನ್ ಫುಲಾಂ ಅರ‍್ಪಿಲಿಂ. ನೊವೆಂ ಸೆವ್ನ್ ವೆದಿ ಕಾರ್ಯಾಚಿ ಸುರ್ವಾತ್ ಜಾಲಿ. ಜಮ್ಲೆಲ್ಯಾ ಸರ್ವಾಂಕ್ ಗುರ್ಕಾರ್ ಶ್ರೀ ಜೋಯಲ್ ಪಿರೇರಾ ಸ್ವಾಗತ್ ಕೆಲೊ.

    ಲ್ಹಾನ್ ಕ್ರಿಸ್ತಾಂವ್ ಕೇಂದ್ರೀಯ್ ಸಮಿತಿ ತರ್ಫೆನ್ ಮುಕೆಲ್ ಸೈರೆ ಜಾವ್ನ್ ಆಯಿಲ್ಲ್ಯಾ ರೇಷ್ಮಾ ಪಿರೇರಾನ್ ಲ್ಹಾನ್ ಕ್ರಿಸ್ತಾವ್ ಸಮುದಾಯೆಚೊ ಮಹತ್ವ್ ಆನಿ ಸಮುದಾಯ್ ಬಳ್ವಂತ್ ಕರ‍್ಚೆ ವಿಶ್ಯಾಂತ್ ಮಾಹೆತ್ ದಿಲಿ. ಉಪ್ರಾಂತ್ ವಿಗಾರ್ ಬಾಪಾನಿ ದೆವಾಚೆಂ ಉತರ್ ಕಿತ್ಲೆಂ ಮಹತ್ವಾಚೆಂ ಆನಿ ದೆವಾಚ್ಯಾ ಉತ್ರಾಚ್ಯಾ ಸಕ್ತೆನ್ ಸಮುದಾಯ್ ಜಿವಾಳ್ ಕಸೊ ದವರ‍್ಯೆತಾ ಮ್ಹಣ್ ಆಪ್ಲಿ ಶಿಕವ್ಣ್ ದಿಲಿ. ಉಪ್ರಾಂತ್ ಮನೋರಂಜನಾಚೊ ಭಾಗ್ ಜಾವ್ನ್ ಥೊಡೆ ಖೆಳ್ ಮಾಂಡುನ್ ಹಾಡ್ಲೆ. ವಾಡ್ಯಾ ಥಾವ್ನ್ ಚೆಸ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾ ರಿಯೊನ್ ಬ್ರ್ಯಾಗ್ಸ್ ತರ‍್ಫೆನ್ ತಾಚ್ಯಾ ಆವಯ್ನ್ ಶ್ರೀಮತಿ ಸಿಂತಿಯಾ ಬ್ರ್ಯಾಗ್ಸ್ ಹಿಣೆ ಹೊ ಮಾನ್ ಸ್ವೀಕಾರ್ ಕೆಲೊ. ಆನಿ ಶ್ರೀ ಕ್ಲೆಮೆಂಟ್ ಬ್ರ್ಯಾಗ್ಸ್ ಹಾಂಕಾಂ ಹ್ಯಾ ದೀಸ್ ಮಾನ್ ಕರ‍್ಚೆಂ ಕಾರ್ಯಕ್ರಮ್ ಚಲ್ಲೆಂ. ಶ್ರೀ ಕೆನ್ಯೂಟ್ ಸಲ್ಡಾನ್ಹಾನ್ ಸರ‍್ವಾಂಚೊ ಉಪ್ಕಾರ್ ಬಾವುಡ್ಲೊ.

ಹ್ಯಾ ಕಾರ್ಯಕ್ರಮಾಕ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀ ಸಂದಿಪ್ ಮಿಸ್ಕಿತ್ ಆನಿ ಕಾರ್ಯದರ್ಶಿ ಉಷಾ ಫೆರ್ನಾಂಡಿಸ್, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕಿ ಶ್ರೀಮತಿ ಸಬಿತಾ ಸಲ್ಡಾನ್ಹಾ, ದೊನ್‌ಯೀ ಕೊವೆಂತಾಚ್ಯೊ ಧರ್ಮ್‌ಭಯ್ಣಿಂ, ಫಿರ್ಗಜ್ ಗೊವ್ಳಿಕ್ ಪರಿಷದ್ ಸಾಂದೆ ಹಾಜರ್ ಆಸ್‌ಲ್ಲೆ.