NEWS

ಮೊಂತಿ ಫೆಸ್ತಾಚೊ ಸಂಭ್ರಮ್

ಸಪ್ತೆಂಬರ್ 8 ವೆರ್ ಆಮ್ಚ್ಯಾ ಫಿರ್ಗಜೆಂತ್ ಮೊಂತಿ ಫೆಸ್ತ್ ಭೋವ್ ಸಂಭ್ರಮಾನ್ ಆಚರಣ್ ಕೆಲೆಂ. ವಿಗಾರ್ ಪಾವ್ಲ್ ಪಿಂಟೊ ಬಾಪಾಂನಿ ಇಗರ್ಜೆಚ್ಯಾ ಮೈದಾನಾರ್ ನವೆಂ ಬೆಂಜಾರ್ ಕರ‍್ತೆಚ್ ಭುರ‍್ಗ್ಯಾಂನಿ ಮರ‍್ಯೆಮಾಯೆಕ್ ಫುಲಾಂ ಅರ್ಪಿಲಿಂ. ಉಪ್ರಾಂತ್ ಮರ‍್ಯೆಮಾಯೆಚಿ ಇಮಾಜ್ ತಶೆಂಚ್ ಬೆಂಜಾರ್ ಕೆಲ್ಲ್ಯಾ ನವ್ಯಾ ಬೆಳ್ಯಾ ಸವೆಂ ಪುರ್ಶಾಂವಾರ್ ಇಗರ್ಜಿಕ್ ಪ್ರವೇಶ್ ಕೆಲೊ. ಉಪ್ರಾಂತ್ ವಿಗಾರ್ ಬಾಪಾಂನಿ ‘ಮರಿಯೆಕ್ ಆಮ್ಚ್ಯಾ ಘರಾ ಹಾಡ್ಯಾಂ, ದೇವ್ ಭಿರಾಂತೆಚಿಂ ಕುಟ್ಮಾಂ ಬಾಂದ್ಯಾಂ’ ವಿಶಯಾಚೆರ್ ಕುಟ್ಮಾಚ್ಯಾ ಫೆಸ್ತಾ ವಯ್ರ್ ನಿಯಾಳ್ ದಿಲೊ. ಆಮ್ಚ್ಯಾಚ್ ಫಿರ‍್ಗಜೆಚೆ ಮಾ| ಬಾ| ವಿನ್ಸೆಂಟ್ ಡಿಸೋಜಾ  ಹಾಜರ್ ಆಸೊನ್ ವಿಗಾರ್ ಬಾಪಾಸಂಗಿಂ ಸಹಭೆಟವ್ಣಿ ಕೆಲಿ. ಫೆಸ್ತಾಕ್ ಮುಡ್ದೊಮ್ ದಿಲ್ಲ್ಯಾಂಕ್ ಆನಿ ಪೋಶಕ್ ಜಾಲ್ಲ್ಯಾಂಕ್ ಮಾನಾಚಿ ವಾತ್ ವಾಂಟ್ಲಿ. ಮಿಸಾ ಉಪ್ರಾಂತ್ ಸರ್ವ್ ಲೊಕಾಕ್ ನವೆಂ, ಕೇಕ್ ಆನಿ ಕೊಬು ವಾಂಟ್ಲೊ. ಉಪ್ರಾಂತ್ ಫಿರ‍್ಗಜ್‌ಗಾರಾಂನಿ ಹಾಡ್‌ಲ್ಲಿ ಕಾಣಿಕ್ ಮಾನೆಸ್ತ್ ವಾಲ್ಟರ್ ಸಲ್ಡಾನ್ಹಾಚ್ಯಾ ಮುಕೇಲ್ಪಣಾರ್ ಏಲಂ ಕೆಲಿ.