Embedded Files
ಗೊವ್ಳಿಕ್ ಪರಿಷದೆಚೆಂ ಪಿಕ್ನಿಕ್
ನವೆಂಬರ್ 16ವೆರ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂಕ್, ಲ್ಹಾನ್ ಕ್ರಿಸ್ತಾಂವ್ ಸಮುದಾಯಾಚ್ಯಾ ಕೇಂದ್ರೀಯ್ ಸಮಿತಿಚ್ಯಾ ಸಾಂದ್ಯಾಂಕ್ ಆನಿ ಲ್ಹಾನ್ ಕ್ರಿಸ್ತಾಂವ್ ಸಮುದಾಯಾಚ್ಯಾ ಆಯೋಗಾಚ್ಯಾ ಸಾಂದ್ಯಾಂಕ್ ತಣ್ಣೀರುಬಾವಿ ಪಿಕ್ನಿಕ್ ಆಸಾ ಕೆಲ್ಲೆಂ. ಸಕಾಳಿಂ 7.30 ವರಾಂಚ್ಯಾ ಮಿಸಾ ಉಪ್ರಾಂತ್ ಕಾಫಿ ಫಳ್ಹಾರ್ ಸೆವ್ತಚ್ ಫಾತಿಮಾ ಮಾಯೆಚಿ ಫಿರ್ಗಜ್, ತಣ್ಣೀರುಬಾವಿ ಹಾಂಗಾಸರ್ ಪಯ್ಣ್ ಸುರ್ವಾತ್ಲೆಂ. ಸಕಾಳಿಂ 1೦.೦೦ ವರಾರ್ ಥಂಯ್ಸರ್ ಪಾವ್ತೆಚ್ ಫಿರ್ಗಜ್ ಸಾಲಾಂತ್ ಸರ್ವಾಂ ಎಕಾ ಕುಟ್ಮಾ ಸ್ಪಿರಿತಾನ್ ಸಾಂಗಾತಾ ಮೆಳ್ತಚ್ ಮಾನೆಸ್ತಿಣ್ ಅನಿತಾ ಕ್ರಾಸ್ತಾ ಹಿಣೆಂ ಕಾರ್ಯಾಚಿ ಸುರ್ವಾತ್ ಕೆಲಿ.
ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಸಂದೀಪ್ ಮಿಸ್ಕಿತಾನ್ ಹಾಜರ್ ಆಸ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಉಪ್ರಾಂತ್ ವಿಗಾರ್ ಬಾಪಾಂನಿ ಆಪ್ಲೊ ಸಂದೇಶ್ ದಿಲೊ. ಆಪ್ಲೊ ಜಲ್ಮಾ ದೀಸ್ ಆಚರಣ್ ಕರ್ಚ್ಯಾ ಮಾನೆಸ್ತಿಣ್ ಅನಿತಾ ಕ್ರಾಸ್ತಾಕ್ ಜಲ್ಮಾ ದಿಸಾಚೆ ಶುಭಾಶಯ್ ಪಾಟಯ್ಲೆ.
ಉಪ್ರಾಂತ್ ಮಾನೆಸ್ತಿಣ್ ಸಿಂತಿಯಾ ರೇಂಜಲಾನ್ 5 ಗ್ರೂಪ್ ಕರ್ನ್ ಭೋವ್ ಅಪುರ್ಬಾಯೆನ್ ಥೊಡೆ ಖೆಳ್ ಚಲವ್ನ್ ವೆಲೆ. ದನ್ಪರಾಂ starters, ಪೀವನಾಸಂಗಿಂ ಪದಾಂ, ನಾಚ್ ಚಲವ್ನ್ ವೆಲೊ. ಸರ್ವ್ ಆಯೋಗಾಂಚೊ ಸಂಯೋಜಕ್ ಮಾನೆಸ್ತ್ ಮಾವ್ರಿಸ್ ರೇಂಜಲಾನ್ ಭಲಾಯ್ಕಿ ಮಾಗ್ಲಿ. ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಆಯೋಗಾಚೊ ಸಾಂದೊ ಮಾನೆಸ್ತ್ ಪ್ರಕಾಶ್ ಪಿರೇರಾ ಆನಿ ಆಪ್ಲಿ ಆವ್ದಿ ಮುಗ್ದೊನ್ ಗೊವ್ಳಿಕ್ ಪರಿಷದೆಥಾವ್ನ್ ಭಾಯ್ರ್ ವೆಚ್ಯಾ ಮಾನೆಸ್ತ್ ಸಂದೀಪ್ ಮಿಸ್ಕಿತ್, ಮಾನೆಸ್ತ್ ಪ್ರಸಾದ್ ವಾಸ್ ತಶೆಂಚ್ ಮಾನೆಸ್ತ್ ವಾಲ್ಟರ್ ಸಲ್ಡಾನ್ಹಾ ಹಾಂಣಿ ಆಪ್ಲಿಂ ಭೊಗ್ಣಾಂ ಉಚಾರ್ಲಿಂ. ಮಾನೆಸ್ತಿಣ್ ಬೆನೆಡಿಕ್ಟಾ ಮಚಾದೊನ್ ಧನ್ಯವಾದ್ ಪಾಟಯ್ಲೆ.
ಉಪ್ರಾಂತ್ ವಿಗಾರ್ ಬಾಪಾಂನಿ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ತೆಚ್ ಸರ್ವಾಂನಿ ಧಾದೊಶಿ ಜೆವಣ್ ಸ್ವೀಕಾರ್ ಕೆಲೆಂ. ಜೆವ್ಣಾ ಉಪ್ರಾಂತ್ ಥೊಡೆ ಖೆಳ್ ಆನಿ ದಿಲ್ಲ್ಯಾ ವಿಶಯಾಚೆರ್ ಗ್ರೂಪಾಂಥಾವ್ನ್ ಲ್ಹಾನ್ಸೊ ಸ್ಕಿಟ್ ಪ್ರದರ್ಶಿತ್ ಕೆಲೊ. ಉಪ್ರಾಂತ್ ಸಗ್ಳ್ಯಾ ದಿಸಾ ಮಾಂಡುನ್ ಹಾಡ್ಲ್ಲ್ಯಾ ಖೆಳಾಂನಿ ಅಂಕ್ ಜೊಡ್ಲ್ಲ್ಯಾ ಪ್ರಕಾರ್ ಗ್ರೂಪಾಂಕ್ ಇನಾಮಾಂ ವಾಂಟ್ಲಿಂ.
ಸಾಂಜೆರ್ 4.00 ವರಾಂ ಥಾವ್ನ್ 5.೦೦ ವರಾಂ ಪರ್ಯಾಂತ್ ಸರ್ವಾಂನಿ ತಣ್ಣೀರುಬಾವಿ ಬೀಚಾಂತ್ ವೇಳ್ ಖರ್ಚಿಲೊ. ಅಶೆಂ ಸರ್ವಾಂನಿ ಸಗ್ಳೊ ದೀಸ್ ಹಾಸೊನ್ ಖೆಳೊನ್ ಮಜೆನ್ ಪಾಶಾರ್ ಕೆಲೊ.
Google Sites
Report abuse