NEWS

ಕಥೊಲಿಕ್ ಸಭ, ನೀರ್ಮಾರ್ಗ್ ಘಟಕಾಚಿ 30ವಿ ವಾರ್ಷೀಕೋತ್ಸವಾಚಿ ಸಾಂಜ್  ಬೋವ್ ಗದ್ದಳಾಯೆನ್ ಇಗರ್ಜೆಚಾ ಆಂಗ್ಣಾಂತ್ ಸಾಂಜೆರ್ 5.30 ವೊರಾರ್ ಕಥೊಲಿಕ್ ಸಭೆಚಾ ಸಾಂದ್ಯಾಂನಿ ಪುರ್ಶಾವಾರ್ ದಿವ್ಯಾ ಸಂಗಿಂ ಪ್ರಾರ್ಥನ್ ಗೀತ್ ಗಾವ್ನ್ ಕಾರ್ಯೆಂ ಆರಂಭ್ ಕೆಲೆಂ.

ವೆದಿ ಕಾರ್ಯಾಕ್ ಅಧ್ಯಕ್ಷ್ ಜಾವ್ನ್ ಆಮ್ಚೆ ಮೊಗಾಳ್ ಫ಼ಿರ್ಗಜ್ ವಿಗಾರ್ ಬಾಪ್ ಮಾನಾಧಿಕ್ ಪಾವ್ಲ್ ಪಿಂಟೊ, ಮಾನಾಚೆ ಸಯ್ರೆ ಆಮ್ಚ್ಯಾ ಕಥೊಲಿಕ್ ಸಭೆಚೊ ಸ್ಥಾಪಕ್ ದಿರೆಕ್ತೋರ್ ಮಾನಾಧಿಕ್ ಬಾಪ್ ವಲೇರಿಯನ್ ಪ್ರಾಂಕ್,ಮುಖೆಲ್ ಸಯ್ರೆ ಜಾವ್ನ್ ಮಾನೆಸ್ತ್ ಆಲ್ವಿನ್ ಡಿ’ಸೋಜ-ಕೇಂದ್ರೀಯ್ ಕಥೊಲಿಕ್ ಸಭಾ ಅಧ್ಯಕ್ಷ್,ಮಾನೆಸ್ತ್ ಅರುಣ್ ಡಿಸೋಜ-ವಾರಾಡೊ ಕಥೊಲಿಕ್ ಸಭಾ ಅಧ್ಯಕ್ಷ್, ಮಾನೆಸ್ತ್ ಸಂದೀಪ್ ಮಿಸ್ಕಿತ್-ಉಪಾಧ್ಯಕ್ಷ್-ಫ಼ಿರ್ಗಜ್ ಗೊವ್ಳಿಕ್ ಪರಿಷದ್, ಶ್ರೀಮತಿ ಉಷಾ ಫ಼ೆರ್ನಾಂಡಿಸ್- ಕಾರ್ಯದರ್ಶಿ-ಫ಼ಿರ್ಗಜ್ ಗೊವ್ಳಿಕ್ ಪರಿಷದ್,ಮಾನೆಸ್ತ್ ಓಸ್ವಲ್ಡ್ ಸಿಕ್ವೇರಾ- ಸ್ಥಾಪಕ್ ಅಧ್ಯಕ್ಷ್-ಕಥೊಲಿಕ್ ಸಭಾ ನಿರ್ಮಾರ್ಗ ಘಟಕ್, ಸಿ|ಸುಜಾತ ಡೆಸಾ-ಸುಪಿರಿಯರ್-ಹೋಲಿಕ್ರಾಸ್ ಕಾನ್ವೆಂಟ್,ಸಿ|ಮೇವಿಸ್-ಸುಪಿರಿಯರ್-ಕಾರ್ಮೆಲ್ ಆಶ್ರಮ್ ಕಾನ್ವೆಂಟ್, ಕಥೊಲಿಕ್ ಸಭಾ ಅಧ್ಯಕ್ಷ್ ಶ್ರೀಮತಿ ವಾಯ್ಲೆಟ್ ಸಲ್ಡಾನಾ ಆನಿ ಕಾರ್ಯದರ್ಶಿ ಶ್ರೀಮಾನ್ ಸುನಿಲ್ ಪಿರೇರಾ ಹಾಜರ್ ಆಸೊವ್ನ್ ಕಾರ್ಯೆಂ ಸೊಭಯ್ಲೆಂ. ಮಾನಾಚ ಸಯ್ರ್ಯಾಂನಿ ಬಲೂನ್ ಉಬೊವ್ನ್ ಕಾರ್ಯಾಚೆ ಉದ್ಘಾಟನ್ ಕೆಲೆಂ ಆನಿ ಸಂಭ್ರಮ್ ದೊಡ್ತೊ ಕೆಲೊ.ಆಯ್-ಲ್ಲ್ಯಾ ಸರ್ವ್ ಮಾನಾಚಾ ಸಯ್ರ್ಯಾಂಕ್ ತಶೆಂಚ್ ಫ಼ಿರ್ಗಜ್-ಗಾರಾಂಕ್ ಕಥೊಲಿಕ್ ಸಭೆಚಿ ಅಧ್ಯಕ್ಷಿಣ್ ಶ್ರೀಮತಿ ವಾಯ್ಲೆಟ್ ಸಲ್ಡಾನಾನ್ ಸ್ವಾಗತ್ ಕೆಲೆಂ. ಕಥೊಲಿಕ್ ಸಭೆಚೊ ಕಾರ್ಯದರ್ಶಿ, ಶ್ರೀಮಾನ್ ಸುನಿಲ್ ಪಿರೇರಾನ್,  ಕಥೊಲಿಕ್ ಸಭ, ನೀರ್ಮಾರ್ಗ್ ಘಟಕಾನ್, ಆಮ್ಚ್ಯಾ ಫ಼ಿರ್ಗಜೆಂತ್, ವಾರಾಡ್ಯಾಂತ್ ತಶೆಂಚ್ ದಿಯೆಸೆಜಿಂತ್ ಪಾಟ್ಲ್ಯಾ ತೀಸ್ ವರ್ಸಾಂನಿಂ ಕೆಲ್ಲ್ಯಾ ಸೆವೆಚೊ ಸಂಕ್ಷಿಪ್ತ್ ವರ್ದಿ ವಾಚುನ್ ಸಾಂಗ್ಲಿಂ.

 ಮಾನಾಚ ಸಯ್ರ್ಯಾಂನಿ ಪಾಟ್ಲ್ಯಾ ತೀಸ್ ವರ್ಸಾನಿ ಅಧ್ಯಕ್ಷ್ ಆನಿಂ ಕಾರ್ಯದರ್ಶಿಂ ಜಾವ್ನ್ ಸೇವಾ ದಿಲ್ಲ್ಯಾ ಮಾನೆಸ್ತಾಂಕ್ ಸನ್ಮಾನ್ ಕೆಲೆಂ ಆನಿ ಹೆಂ ಕಾರ್ಯೆಂ ಶ್ರೀಮತಿ ಶೈಲಾ ಡಿಸೋಜ ಆನಿ ಶ್ರೀಮತಿ ಶಬಿತ ಸಲ್ಡಾನಾನ್ ಭೋವ್ ಅಪುರ್ಬಾಯೆನ್ ಚಲವ್ನ್ ವೆಲೆಂ. ಮುಖೆಲ್ ಸಯ್ರೆ ಮಾನೆಸ್ತ್ ಆಲ್ವಿನ್ ಡಿಸೋಜ,ಕಥೊಲಿಕ್ ಸಭ,ಮಂಗ್ಳುರ್ ಪ್ರದೇಶ್ ಹಾಚೆ ಅಧ್ಯಕ್ಷಾನ್  ಕಥೊಲಿಕ್ ಸಭ,ನೀರ್ಮಾರ್ಗ್ ಘಟಕಾಕ್ ಉದ್ದೇಶುಸುನ್ ಬರೆಂ ಮಾಗ್ಚ್ಯಾ ಸವೆಂ ನೀರ್ಮಾರ್ಗ್ ಘಟಕಾನ್ ಕೆಲ್ಲಿಂ ಸರ್ವ್ ಸೆವೆಕ್ ಹೊಗಳ್ಸಿಲೆಂ. "ಒಗ್ಗಟ್ಟಿನಲ್ಲಿ ಬಲವಿದೆ" ಮ್ಹಳ್ಳ್ಯಾ ಗಾದೆಸವೆಂ ಆಮ್ಚ್ಯಾ ಕಥೊಲಿಕ್ ಸಭೆಚಾ ಸರ್ವ್ ಸಾಂದ್ಯಾಂಚಾ ಎಕ್ವಟಾಕ್ ಅಭಿಮಾನ್ ಉಚಾರ್ಲೊ. ಆನಿಕೀ ಚಡ್ ಸಾಂದೆ ಹ್ಯಾ ಸಂಘಟನಾಕ್ ಸೆರ್ವುಂಕ್ ಉಲೊ ದಿಂವ್ಚೆಸವೆಂ  ಜರ್-ತರ್ ಕಸಲೊಯ್ ಅನ್ನ್ಯಾಯ್ ಜಾಲ್ಯಾರ್ ಯಾ ಕಸಲೆಯ್ ಸಮಸ್ಯೆ ಉಬ್ಜಲ್ಯಾರ್ ಹ್ಯಾ ಸಂಘಟನಾಚೆಂ ಸಾಂದೆ ಏಕ್ ಜಾವ್ನ್ ಸಮಸ್ಯಾಂಕ್ ಪರಿಹಾರ್ ಸೊಧುನ್ ಕಾಡ್ಯೆತ್ ಆನಿ ಎಕ್ವಟಿತ್ ಜಾವ್ನ್ ವಾವ್ರ್ ಕರ್ಯೆತ್ ಮ್ಹಳ್ಳೊ ಸಂದೇಶ್ ದಿಲೊ. ಕಥೊಲಿಕ್ ಸಭೆಕ್ ಅತ್ಮೀಕ್ ನಿರ್ದೇಶಕ್ ಜಾವ್ನ್, ದಿರೆಕ್ತೋರ್ ಜಾವ್ನ್ ಪಾಟ್ಲ್ಯಾ ತೀಸ್ ವರ್ಸಾನಿ ಸೇವಾ ದಿಲ್ಲ್ಯಾ ವಿಗಾರ್ ಬಾಪಾಂಕ್ ಉಡಾಸಾಚಿ ಕಾಣಿಕ್ ದಿಲಿ. ಹೆಂ ಕಾರ್ಯೆಂ ಶ್ರೀಮತಿ ಫ಼್ಲಾವಿಯ ಡಿ’ಸೋಜನ್ ಚಲವ್ನ್ ವೆಲೆಂ. ಕಥೊಲಿಕ್ ಸಭೆಚೊ ಸ್ಥಾಪಕ್ ದಿರೆಕ್ತೋರ್ ಮಾನಾಧಿಕ್ ಬಾಪ್ ವಲೇರಿಯನ್ ಪ್ರಾಂಕ್,ತಾಣಿಂ ತಾಂಚಾ ಕಾಳ್ಜಾಚಿಂ ಭೊಗ್ಣಾಂ ಆಮ್ಚೆಂಸವೆಂ ವಾಂಟುನ್ ಘೆತ್ಲೆಂ. ತಾಂಣಿಂ ಆಸ್ತಾನಾ ಕಥೊಲಿಕ್ ಸಭ ಆನಿ ಆತಾಂಚೆ ಕಥೊಲಿಕ್ ಸಭೆಚಿ ಅಭಿವೃದ್ದಿ ಹಾಚೆ ಸವೆಂ ಕಥೊಲಿಕ್ ಸಭೆನ್ ಕೆಲ್ಲೆ ಸೆವೆಕ್ ಹೊಗ್ಳಿಕ್ ಉಚಾರ್ಲೆ.

 ಕಾರ್ಯಚೆ ಅಧ್ಯಕ್ಷ್ ಮಾನಾಧಿಕ್ ಬಾಪ್ ಪಾವ್ಲ್ ಪಿಂಟೊನ್ ಟೆಲಿಫ಼ೋನ್ ಡೈರೆಕ್ಟರಿಚೆಂ ಉದ್ಘಾಟನ್ ಕೆಲೆಂ. ಪ್ರಸ್ತೂತ್ ಅಧ್ಯಕ್ಷ್ ಬಾಪಾಂನಿ ತಾಂಚೊ ಅಮೂಲ್ಯ್ ಸಂದೇಶ್ ಆಮ್ಚೆಂ ಸವೆಂ ವಾಂಟುನ್ ಘೆತ್ಲೊ. ಆಮಿಂ ಆತಾಂ ಕರ್ಚೆ ಸೆವೆಕ್ ಹೊಗಳ್ಸಿಲೆಂ ಆನಿಂ ಮುಕಾರೀಯಿ ಆಮಿಂ ಕರ್ಚ್ಯಾ ಸೆವೆಕ್ ಪಾಟಿಂಬೊ ದಿತಾಂ ಮ್ಹಣುನ್ ಭಾಸಾಯ್ಲೆಂ.