Embedded Files
ಧರ್ಮಾರ್ಥ್ ಭಲಾಯ್ಕೆ ತಪಾಸ್ಣಿ ಶಿಬಿರ್
ಆಮ್ಚ್ಯಾ ಫಿರ‍್ಗಜೆಂತ್ ಭಲಾಯ್ಕೆ ಆಯೋಗ್ ಆನಿ ಸ್ತ್ರೀ ಸಂಘಟನ್ ನಿರ‍್ಮಾರ್ ಘಟಕಾನ್ ಫೊರಂ ಆಫ್ ಕ್ರಿಶ್ಚಿಯನ್ ಯುನೈಟಡ್ ಸರ್ವಿಸಸ್, ಮಂಗ್ಳುರ್ ಆನಿ ಫಾ| ಮುಲ್ಲರ್ ಮೆಡಿಕಲ್ ಕೊಲೆಜ್ ಆಸ್ಪತ್ರ್, ಮಂಗ್ಳುರ್ ಹಾಂಚ್ಯಾ ಜೋಡ್‌ಆಸ್ರ್ಯಾಖಾಲ್ ಎಪ್ರಿಲ್ 13ವೆರ್ ನಿರ‍್ಮಾರ್ ಸಾಂ. ಲಿಗೋರಿ ಪ್ರಾಥಮಿಕ್ ಇಸ್ಕೊಲಾಂತ್ ಧರ್ಮಾರ್ಥ್ ಭಲಾಯ್ಕೆ ಶಿಬಿರ್ ಮಾಂಡುನ್ ಹಾಡ್‌ಲ್ಲೆಂ.
ಸ್ತ್ರೀ ಸಂಘಟನ್ ಸಾಂದ್ಯಾಂನಿ ಪ್ರಾರ್ಥನ್ ಗೀತ್ ಗಾವ್ನ್ ಕಾರ‍್ಯಾಚಿ ಸುರ‍್ವಾತ್ ಕೆಲಿ. ಹ್ಯಾ ಕಾರ‍್ಯಾಕ್ ಫಿರ‍್ಗಜ್ ವಿಗಾರ್ ಮಾ| ಬಾ| ಪಾವ್ಲ್ ಪಿಂಟೊ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ಸಂದೀಪ್ ಮಿಸ್ಕಿತ್ ಆನಿ ಕಾರ್ಯದರ್ಶಿ ಮಾನೆಸ್ತಿಣ್ ಉಷಾ ಫೆರ್ನಾಂಡಿಸ್, ಫೋಕಸ್ ಸಂಘಟನಾಚೊ ಅಧ್ಯಕ್ಷ್ ಮಾನೆಸ್ತ್ ಜೋನ್ ಬ್ಯಾಪ್ಟಿಸ್ಟ್ ಡಿಸೋಜಾ, ಫಾ| ಮುಲ್ಲರ್ ಆಸ್ಪತ್ರೆಚಿ ಜನರಲ್ ಮೆಡಿಸಿನ್ ವಿಭಾಗಾಚಿ ಮುಖ್ಯಸ್ಥ್ ಡಾ| ವೀಣಾ ಪಿಂಟೊ, ಭಲಾಯ್ಕೆ ಶಿಬಿರ್ ಸಂಯೋಜಕ್ ದೀಪಿಕಾ, ಆಂಕೋಲಜಿ ವಿಭಾಗಾಚೊ ಡಾ| ಕುಮಾರ್ ಎಸ್ ವಸಿಷ್ಟ್ ಆನಿ ಭಲಾಯ್ಕೆ ಆಯೋಗ್ ಸಂಚಾಲಕ್ ಮಾನೆಸ್ತಿಣ್ ಸರಿತಾ ಕ್ರಾಸ್ತಾ ವೆದಿರ್ ಹಾಜರ್ ಆಸ್‌ಲ್ಲಿಂ.
ವಿಗಾರ್ ಬಾಪಾಂನಿ ಪ್ರಸ್ತುತ್ ಕಾಳಾರ್ ಭಲಾಯ್ಕೆವಿಶಿಂ ಪಯ್ಲೆಂಚ್ ಜಾಗ್ರುತ್ ಕಾಣ್ಘೆವ್ನ್, ಪಿಡಾ ಕಶಿ ಆಡಾವ್ಯೆತ್ ಮ್ಹಣ್ ಭಲಾಯ್ಕೆ ತಪಾಸ್ಣೆಚೊ ಮಹತ್ವ್ ವಿವರುನ್ ಶಿಬಿರಾಚೊ ಫಾಯ್ದೊ ಜೊಡುಂಕ್ ಉಲೊ ದಿಲೊ ಆನಿ ಹೆಂ ಶಿಬಿರ್ ಮಾಂಡುನ್ ಹಾಡ್‌ಲ್ಲ್ಯಾ ಪಂಗ್ಡಾಕ್ ಅಭಿನಂದನ್ ಪಾಟಯ್ಲೆ. ಫೋಕಸ್ ಸಂಘಟನಾಚ್ಯಾ ಅಧ್ಯಕ್ಷಾನ್ ಸಂಘಟನಾನ್ ಎದೊಳ್ ಕೆಲ್ಲ್ಯಾ ವಾವ್ರಾಚೊ ವಿವರ್ ದಿಲೊ. ಭಲಾಯ್ಕೆ ಶಿಬಿರ್ ಮಾಂಡುನ್ ಹಾಡ್ಚ್ಯಾಂತ್ ಫಾ| ಮುಲ್ಲರ್ ಆಸ್ಪತ್ರೆಚ್ಯಾ ವಾವ್ರಾವಿಶಿಂ ದೀಪಿಕಾನ್ ಆನಿ ಕ್ಯಾನ್ಸರ್ ಪಿಡೆಚಿಂ ಲಕ್ಷಣಾಂ ಆನಿ ಚಿಕಿತ್ಸೆವಿಶಿಂ ಡಾ| ವಶಿಷ್ಟ್ ಹಾಣೆಂ ವಿವರ್ ದಿಲೊ.
ಹ್ಯಾ ಶಿಬಿರಾಂತ್ ದೊಳ್ಯಾಂಚಿ ತಪಾಸ್ಣಿ, ಇಸಿಜಿ, ಸ್ತ್ರೀಯಾಂಚಿ ಪಿಡಾ ಆನಿ ಹಾಡಾಂ-ಗಾಂಟಿಂಚಿ ತಪಾಸ್ಣಿ, ಕ್ಯಾನ್ಸರ್ ಸಂಬಂಧಿತ್ ತಪಾಸ್ಣಿ, ರಗ್ತಾ ತಪಾಸ್ಣಿ ಆನಿ ಇತರ್ ತಪಾಸ್ಣಿ ಆಸಾ ಕರ‍್ನ್ ತಾಕಾ ಲಗ್ತಿ ಜಾಲ್ಲಿಂ ವಕ್ತಾಂ ಧರ್ಮಾರ್ಥ್ ವಿತರಣ್ ಕೆಲಿಂ. ಸುಮಾರ್ 170 ಜಣಾಂನಿ ಹ್ಯಾ ಶಿಬಿರಾಚೊ ಫಾಯ್ದೊ ಜೊಡ್ಲೊ.
ಭಲಾಯ್ಕೆ ಆಯೋಗ್ ಸಾಂದೊ ಮಾನೆಸ್ತ್ ಫ್ರಾನ್ಸಿಸ್ ಗೊನ್ಸಾಲ್ವಿಸಾನ್ ಸ್ವಾಗತ್ ಕೆಲೊ. ಫೋಕಸ್ ಸಂಘಟನ್ ಉಪಾಧ್ಯಕ್ಷ್ ಮಾನೆಸ್ತ್ ಪ್ರಕಾಶ್ ಪಿರೇರಾನ್ ಧನ್ಯವಾದ್ ಪಾಟಯ್ಲೆ. ಮಾನೆಸ್ತಿಣ್ ಮರ್ಲಿನ್ ಪಿರೇರಾನ್ ಕಾರ್ಯೆಂ ಚಲಯ್ಲೆಂ. ಆಯಿಲ್ಲ್ಯಾ ಸರ‍್ವಾಂಕ್ ಕಾಫಿ-ಫಳ್ಹಾರ್ ಆಸಾ ಕೆಲ್ಲೊ.
Google Sites
Report abuse