NEWS

ಕಾಮೆಲಿ ಸಾಂ ಜುಜೆ ಫಿರ್ಗಜ್ ನೀರ್ಮಾರ್ಗ, ವಿಗಾರ್ ಬಾಪ್ ಪಾವ್ಲ್ ಪಿಂಟೊ ಹಾಂಚ್ಯಾ ಮುಖೇಲ್ಪಣಾಖಾಲ್ "ಜಿವಿತಾಕ್ ಧಾ ದಿವೆ ಪೆಟೊವ್ಚೆ" (Igniting Ten Lights for Life) ಮ್ಹಳ್ಳೊ ಜಿವೀತ್ ನ್ಹೆತವ್ಣಿ (life enrichment)  ಕಾರ್ಯಕ್ರಮ್, 2026 ಮೇಯಾಚ್ಯಾ 21,22 ಆನಿ 23 ವೆರ್ "ವಿವಿಧ್ ಕೌಶಲ್ಯಾಂ ಆಪ್ಣಾವ್ಯಾಂ, ಜಿಣಿಂ ಸೊಬೊವ್ಯಾಂ " ಧ್ಯೇಯಖಾಲ್ ತೀನ್ ದಿಸಾಂಚೊ ಶಿಬಿರ್ ಚಲ್ಲೆಂ. ಹ್ಯಾ ಶಿಬಿರಾಕ್ ಚೊವ್ತಿ ಸಂಪಯಿಲ್ಲ್ಯಾ ಭುರ್ಗ್ಯಾಂ ಥಾವ್ನ್ ಧಾವಿ ಸಂಪಯಿಲ್ಲ್ಯಾಂ ಪರ್ಯಾಂತ್ 29 ಜಣಾಂ ಹಾಜರ್ ಆಸ್ ಲ್ಲಿಂ.

 ಬ್ರ/ಆಸ್ಟಿನಾನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ವೆದಿಚೆರ್ ಮಾ|ಬಾ| ಪಾವ್ಲ್ ಪಿಂಟೊ, ಫಿರ್ಗಜ್ ಗೊವ್ಳಿ ಮಂಡಳೆಚಿ ಉಪಾಧ್ಯಕ್ಷ್ ಶ್ರೀಮತಿ ಉಷಾ ಫೆರ್ನಾಂಡಿಸ್, ಕಾರ್ಯದರ್ಶಿ ಶ್ರೀ ಸುನಿಲ್ ಪಿರೇರಾ, ಆಯೋಗಾಂಚೊ ಸಂಚಾಲಕ್ ಶ್ರೀ ಸುಜಿತ್ ಸಿಕ್ವೇರ ಆನಿ ಕ್ರೀಸ್ತೀ ಶಿಕ್ಷಣಾಚಿ ಸಂಚಾಲಕಿ ಶ್ರೀಮತಿ ಬೆನ್ನಿ ಮಚಾದೊ ಹಾಜರ್ ಆಸಲ್ಲಿಂ. ಅಧ್ಯಕ್ಷ್ ಸ್ಥಾನ್ ಆಪ್ಣಾಯಿಲ್ಲ್ಯಾ ವಿಗಾರ್ ಬಾಪಾನಿಂ ಅಪ್ಲ್ಯಾ ಸಂದೇಶಾಂತ್ 3 ದಿಸಾಂಚ್ಯಾ ಶಿಬಿರಾಕ್ ಜಯ್ತ್ ಮಾಗ್ಲೆಂ.

 ಹ್ಯಾ ತೀನ್ ದಿಸಾಂತ್ ಯುವ ವಿದ್ಯಾರ್ಥಿಂನಿ ಆಪ್ಲೆಂ ಜಿವೀತ್ ಬರೆಂ ಕರ್ಚ್ಯಾ ಸಬಾರ್ ವಿಶಯಾಂಚೆರ್ ಕ್ರಿಯಾತ್ಮಕ್ ಜಾವ್ನ್ ವಾಂಟೊ ಘೆತ್ಲೊ. ಮುಖ್ಯ್ ಜಾವ್ನ್ ಹ್ಯಾ ವಿಶಯಾಂಚೆರ್ ಶಿಬಿರ್ ಚಲವ್ನ್ ವೆಲೆಂ.
1.Self-awareness-ಆತ್ಮಜಾಗ್ರತಿ,  2.Goal setting _ಧ್ಯೇಯ್ ನಿರ್ಧಾರ್ ಕರ್ಚೆ.  3.Empathy-ಸಹಾನುಭೂತಿ.  4.Effective communication _ಪ್ರಭಾವ್ ಪೂರ್ವಕ್ ಸಂವಾದ್.
5.Understanding God-ದೆವಾಕ್ ಜಾಣಾಂ ಜಾಂವ್ಚೆಂ.  6.Personal Relationship _ಎಕಾಮೆಕಾಲಾಗಿಂ ಸಂಬಂದ್. 7.Decision making _ನಿರ್ಣಯ್ ಘೆಂವ್ಚೆ.  8.Creative thinking-ರಚನಾತ್ಮಕ್ ಚಿಂತಪ್.  9.Managing emotions-ಭಾವನಾಂಚೆಂ ನಿಯಂತ್ರಣ್.  10.Critical thinking-ಮಹತ್ವ್ ಪೂರ್ಣ್ ಚಿಂತಪ್.  11.Coping with stress-ಭಾವನಾಂಕ್ ತೋಂಡ್ ದಿವಪ್. (ಒತ್ತಡ ನಿಭಾಯಿಸುವುದು.)