NEWS

ಫಾತಿಮಾ ವಾಡೊ: ಮೊಂತಿ ಫೆಸ್ತ್ ಆಚರಣ್

ಸಪ್ತೆಂಬರ್ 15 ತಾರಿಕೆರ್ ಸಾಂಜೆರ್ 04:15 ರ್ ಶ್ರೀ ಡೆನಿಸ್ ಮೊಂತೆರೊಚ್ಯಾ ಘರಾ ಮೊಂತಿ ಸಾಯ್ಬಿಣೆಚ್ಯಾ ಫೆಸ್ತಾಚೆಂ ಆಚರಣ್ ಕೆಲೆಂ. ವಾಡ್ಯಾಚಿ ದೇವ್‌ಸ್ತುತಿ ಕಾರ್ಯದರ್ಶಿ ಶ್ರೀಮತಿ ಸರಿತಾ ಡಿಸೋಜಾ ಮಾಗ್ಲ್ಯಾಚೆಂ ಮುಕೆಲ್ಪಣ್ ಕಾಣ್ಘೆವ್ನ್ ಮಾಗ್ಣ್ಯಾ ವಿಧಿ ಚಲಯ್ಲಿ. ಸರ್ವಾಂನಿ ಬಾಳಕ್ ಮರಿಯೆಕ್ ಮಾನ್ ಕರ್ನ್ ಫುಲಾಂ ಅರ್ಪಿಲಿಂ.

ಉಪ್ರಾಂತ್ ವಾಡ್ಯಾಚಿ ಗುರ್ಕಾರ್ ಶ್ರೀಮತಿ ಗ್ರೇಸಿ ಕ್ರಾಸ್ತಾನ್ ವಿಗಾರ್ ಬಾಪಾಕ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೊ. ವಿಗಾರ್ ಬಾಪಾಂನಿ ಸಮಿತಿಚ್ಯಾ ಸಾಂದ್ಯಾಂ ಸಾಂಗಾತಾ ಮೆಳೊನ್ ವೋರ್ನಾಂತ್ ನವೆಂ ಭರ್ಸುನ್ ಎಕಾ ಕುಟ್ಮಾ ಸ್ಪಿರಿತಾನ್ ಭರುನ್ ತೆಂ ಸೆವ್ಲೆಂ. ವಿಗಾರ್ ಬಾಪಾಂನಿ ಅಥಾ೯ಭರಿತ್ ಸಂದೇಶಾ ಮುಕಾಂತ್ರ್ ವಾಡ್ಯಾಗಾರಾಂನಿ ವಾಡೊ ಮ್ಹಳ್ಳೊ ಏಕ್ ಕುಟಮ್ ಜಿವಾಳ್ ದವರುಂಕ್ ಉಲೊ ದಿಲೊ. ಮನೋರಂಜನ್ ಜಾವ್ನ್ ಭುರ್ಗ್ಯಾನಿ ನೃತ್ಯ್ ಪ್ರದರ್ಶನ್ ಕೆಲೆಂ. ಕಾರ್ಯದರ್ಶಿ ಶ್ರೀಮತಿ ಬೀನಾ ಡಿಕುನ್ಹಾನ್ ವಿವಿಧ್ ಖೆಳ್ ಚಲವ್ನ್ ವೆಲೆ. ಜಿಕ್‌ಲ್ಲ್ಯಾಂಕ್ ಶ್ರೀ ಡೆನಿಸ್ ಮೊಂತೇರೊನ್ ಇನಾಮಾಂ ವಾಂಟ್ಲಿಂ. ಸಪ್ತೆಂಬರ್ ಮಹಿನ್ಯಾಂತ್ ಜಲ್ಮಾ ದೀಸ್ ಆಚರ್ಸುಂಚ್ಯಾ ಸರ್ವ್ ವಾಡ್ಯಾಗಾರಾಂಕ್ ಉಲ್ಲಾಸಿಲೆಂ. 

ಶ್ರೀಮತಿ ಅಲಿಟಾ ಮಾರ್ಟಿಸಾನ್ ಸ್ವಾಗತ್ ಕೆಲೆಂ. ಶ್ರೀ ಪ್ರೇಮ್ ಫ್ಲೋರಸಾನ್ ವಂದಿಲೆಂ. ಕುಮಾರಿ ಡೈಸಿ ಕ್ರಾಸ್ತಾನ್ ಕಾರ‍್ಯೆಂ ಚಲಯ್ಲೆಂ. 40 ಜಣಾಂ ವಾಡ್ಯಾಗಾರಾಂನಿ ಹಾಂತು ಭಾಗ್ ಘೆತ್ಲೊ.