Embedded Files
ಕುಟ್ಮಾ ಮಹಿನೊ ಸಮಾರೋಪ್ ಆನಿ ಕ್ರೀಸ್ತಿ ಶಿಕ್ಷಣ್ ದಿವಸ್
ಆಮ್ಚ್ಯಾ ಫಿರ‍್ಗಜೆಂತ್ ಕುಟ್ಮಾ ಮಹಿನೊ ಸಮಾರೋಪ್ ಕಾರ‍್ಯೆಂ ಆನಿ ಕ್ರೀಸ್ತಿ ಶಿಕ್ಷಣ್ ದಿವಸ್ ಮಾರ್ಚ್ 2ವೆರ್ ಸಕಾಳಿಂ 7.30 ವರಾಂಚ್ಯಾ ಮಿಸಾಸವೆಂ ಆಚರಣ್ ಕೆಲೊ. ಜೆಪ್ಪು, ಸಾಂ. ಜುಜೆ ಸೆಮಿನರಿಚೊ ಪ್ರಾಧ್ಯಾಪಕ್ ಮಾ| ಬಾ| ರಾಜೇಶ್ ರೊಸಾರಿಯೊ ಹಾಜರ್ ಆಸೊನ್ ಕುಟ್ಮಾ ಜಿವಿತ್ ಆನಿ ಕ್ರೀಸ್ತಿ ಶಿಕ್ಷಣಾಚ್ಯಾ ಮಹತ್ವಾವಿಶಿಂ ನಿಯಾಳ್ ದಿಲೊ. ಫಿರ‍್ಗಜೆಂತ್ಲ್ಯಾ ತೆಗಾಂ ಕುಟ್ಮಾಚ್ಯಾಂನಿ ದೇವ್‌ಸ್ತುತಿ ಚಲವ್ನ್ ವೆಲಿ. ಮಿಸಾ ಉಪ್ರಾಂತ್ ವಿಗಾರ್ ಬಾಪಾಂನಿ ಕುಟ್ಮಾ ಮಹಿನೊ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ‍್ವಾಂಚೊ ತಶೆಂಚ್ ದಾನಿಂಚೊ ಉಪ್ಕಾರ್ ಬಾವುಡ್ಲೊ. ತಶೆಂಚ್ ಸಗ್ಳೆಂ ವರ‍್ಸ್‌ಭರ್ ಭುರ‍್ಗ್ಯಾಂಕ್ ಕ್ರೀಸ್ತಿ ಶಿಕ್ಷಣ್ ದಿಂವ್ಚ್ಯಾ ಶಿಕ್ಷಕಾಂಚಿ ಸೆವಾ ವಾಖಣ್ಲಿ.
ಕುಟ್ಮಾ ಮಹಿನ್ಯಾಂತ್ ಮಾಂಡುನ್ ಹಾಡ್‌ಲ್ಲ್ಯಾ ಸರ‍್ವ್ ಸ್ಪರ‍್ದ್ಯಾಂನಿ ವಿಜೇತ್ ಜಾಲ್ಲ್ಯಾ ಸರ‍್ವಾಂಕ್, ಕ್ರೀಸ್ತಿ ಶಿಕ್ಷಣಾಂತ್ ಚುಕಾನಾಸ್ತಾಂ ದೊತೊರ‍್ನೆಕ್ ಆಯಿಲ್ಲ್ಯಾಂಕ್, ಪರೀಕ್ಷೆಂತ್ ಉತ್ತೀಮ್ ಅಂಕ್ ಜೊಡ್‌ಲ್ಲ್ಯಾಂಕ್ ತಶೆಂಚ್ ಸದಾಂ ಮಿಸಾಕ್ ಆಯಿಲ್ಲ್ಯಾ ಭುರ‍್ಗ್ಯಾಂಕ್ ಇನಾಮಾಂ ವಾಂಟ್ಲಿಂ. ಕ್ರೀಸ್ತಿ ಶಿಕ್ಷಣ್ ಶಿಕಂವ್ಚ್ಯಾ ಸರ‍್ವ್ ಶಿಕ್ಷಕಾಂಕ್ ಉಗ್ಡಾಸಾಚಿ ಕಾಣಿಕ್ ದಿಲಿ. ಕ್ರೀಸ್ತಿ ಶಿಕ್ಷಣ್ ಸಂಯೋಜಕಿ ಬೆನೆಡಿಕ್ಟಾ ಮಚಾದೊನ್ ಆಪ್ಲಿಂ ಭೊಗ್ಣಾಂ ಉಚಾರ‍್ಲಿಂ. ಹಾಜರ್ ಆಸ್‌ಲ್ಲ್ಯಾ ಸರ‍್ವಾಂಕ್ ಕಾಫಿ ಫಳ್ಹಾರ್ ಆಸಾ ಕೆಲ್ಲೊ.
Google Sites
Report abuse