NEWS

ಕಾಜಾರಿ ಜೊಡ್ಯಾಂಚೊ ದೀಸ್ ಆಚರಣ್

ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಸಮಾಜ್ ಸೆವೆಂತ್ ಸ್ನಾತಕೋತ್ತರ್ ಪದ್ವಿ ಆಪ್ಣಾಯ್ಲಿ, ಕಾಜಾರಿ ಜೊಡ್ಯಾಂಕ್ ತರ‍್ಬೆತಿ ದಿಂವ್ಚ್ಯಾಂತ್ ನಾಂವಾಡ್ದಿಕ್ ಮಾನೆಸ್ತಿಣ್ ಐರಿನ್ ರೆಬೆಲ್ಲೊ ಹಾಜರ್ ಆಸೊನ್ ಕಾಜಾರಿ ಜಿವಿತಾಂತ್ ಮೋಗ್ ಮ್ಹಳ್ಯಾರ್ ಕಿತೆಂ, ಪತಿ-ಪತಿಣೆಚೊ ಸಂಬಂಧ್ ಕಸೊ ಆಸಾಜೆ, ಎಕಾಮೆಕಾ ಕಶೆಂ ಸುಧಾರ‍್ಸುನ್ ವರಿಜೆ, ಭುರ‍್ಗ್ಯಾಂಥಂಯ್ ಆವಯ್-ಬಾಪಯ್ಚಿ ಜವಾಬ್ದಾರಿ ಕಸಲಿ ಜಾಯ್ಜೆ ಮ್ಹಳ್ಳೆವಿಶಿಂ ಸವಿಸ್ತಾರ್ ಮಾಹೆತ್ ದೀವ್ನ್ ಪತಿ-ಪತಿಣೆನ್ ಎಕಾಮೆಕಾಕ್ ಅರ್ಸೊ ಜಾವ್ನ್ ಜಿಯೆಂವ್ಕ್ ಉಲೊ ದಿಲೊ.

ಮಾನೆಸ್ತಿಣ್ ಉಷಾ ಫೆರ್ನಾಂಡಿಸ್ ಆನಿ ಮಾನೆಸ್ತಿಣ್ ಸಿಂತಿಯಾ ರೇಂಜಲ್ ಹಾಂಣಿ ಖೆಳ್ ಚಲವ್ನ್ ವೆಲೆ. ಖೆಳಾಂತ್ ಬಬಿತಾ ರೊಡ್ರಿಗಸ್, ಬಾಳೊಕ್ ಜೆಜು ವಾಡೊ ಹಿಕಾ, ಲಗ್ನ್ ಜಾವ್ನ್ 1 ವರ‍್ಸ್ ಸಂಪಯಿಲ್ಲೆಂ ತರ‍್ನೆಂ ಜೊಡೆಂ ಸಾಂ. ಫ್ರಾನ್ಸಿಸ್ ಸಾವೆರ್ ವಾಡ್ಯಾಚ್ಯಾ ಮಾನೆಸ್ತ್ ಜೋನ್ಸನ್ ಆನಿ ಮಾನೆಸ್ತಿಣ್ ಲೊಲಿಟಾ ಡಿಲೀಮಾ ಹಾಂಕಾಂ ತಶೆಂಚ್ ಕಾಜಾರಿ ಜಿವಿತಾಂತ್  44 ವರ‍್ಸಾಂ ಸಂಪಯಿಲ್ಲೆಂ ಮಾಲ್ಘಡೆಂ ಜೊಡೆಂ ಸಾಂ. ಫ್ರಾನ್ಸಿಸ್ ಆಸ್ಸಿಸಿ ವಾಡ್ಯಾಚ್ಯಾ ಮಾನೆಸ್ತ್ ಓಸ್ವಲ್ಡ್ ಆನಿ ಮಾನೆಸ್ತಿಣ್ ಬೆನೆಡಿಕ್ಟಾ ಸಿಕ್ವೇರಾ ಹಾಂಕಾಂ ಇನಾಮ್ ಫಾವೊ ಜಾಲೆಂ. 

ಮಾನೆಸ್ತಿಣ್ ಲವೀನಾ ತಾವ್ರೊನ್ ಸ್ವಾಗತ್ ಕೆಲೊ. ಮಾನೆಸ್ತಿಣ್ ಜ್ಯೂಲಿಯೆಟ್ ವಾಸಾನ್ ಸಂಪನ್ಮೂಳ್ ವೆಕ್ತಿಚಿ ಪರಿಚಯ್ ಕರ‍್ನ್ ದಿಲಿ. ಮಾನೆಸ್ತಿಣ್ ಪ್ರೀತಿ ಡಿಸೋಜಾನ್ ಕಾರ‍್ಯೆಂ ಚಲಯ್ಲೆಂ. ಸರ್ವ್ ಆಯೋಗಾಂಚೊ ಸಂಯೋಜಕ್ ಮಾನೆಸ್ತ್ ಮಾವ್ರಿಸ್ ರೇಂಜಲಾನ್ ಧನ್ಯವಾದ್ ಪಾಟಯ್ಲೆ. ದನ್ಪರಾಂ ಜೆವ್ಣಾಸವೆಂ ಕಾರ‍್ಯೆಂ ಸಂಪ್ಲೆಂ.